لیونل میسی نے پیر کو ورلڈ کپ کے ریکارڈ بکس کو نئے سرے سے لکھ دیا اور آسٹریا کے خلاف ارجنٹائن کی 2-0 سے فتح میں دونوں گول اسکور کر کے ٹورنامنٹ کی تاریخ کے سب سے زیادہ گول کرنے والے کھلاڑی بن گئے جس نے دفاعی چیمپئن (ارجنٹائن) کی آخری 32 ٹیموں میں رسائی کو یقینی بنادیا۔
ڈیلا س اسٹیڈیم میں 70 ہزار سے زائد تماشائیوں کے سامنے میسی نے 38ویں اور 95ویں منٹ میں گول کر کے اپنے ورلڈ کپ کے مجموعی گولز کی تعداد 18 تک پہنچا دی حالانکہ اس سے قبل وہ ایک پینلٹی کک ضائع کر چکے تھے۔
اس فتح نے دفاعی چیمپئن ٹیم کو راؤنڈ آف تھرٹی ٹو میں بھی پہنچا دیا ہے۔
ان کا پہلا گول انہیں جرمنی کے میروسلاو کلوزے سے آگے لے گیا جس کے ساتھ ہی وہ مردوں کے ورلڈ کپ کی تاریخ کے سب سے زیادہ گول کرنے والے کھلاڑی بن گئے اور ان کے دوسرے گول نے انہیں مارٹا کے 17 گولز کے ریکارڈ سے بھی آگے پہنچا دیا جو اب تک ٹورنامنٹ کی تاریخ کا مجموعی ریکارڈ تھا۔
میسی نے کہا کہ ہم پہلے ہی لوگوں کو کئی خوشیاں دے چکے ہیں لیکن ہم انہیں مزید خوشیاں دینے کی کوشش کریں گے۔ اہم بات کوالیفائی کرنا ہے اور تمام میچ جیتنا ہمیشہ ہمارے منصوبوں میں شامل ہوتا ہے۔
Comments