میٹا کے سوشل نیٹ ورکس بند، ہزاروں صارفین کو رسائی میں مشکلات

فیس بک کی بنیادی کمپنی میٹا نے کہا ہے کہ صارفین کو سوشل میڈیا کمپنی کی خدمات (سروسز) تک رسائی میں مشکلات کا سامنا ہے۔ میٹا کے ترجمان اینڈریو اسٹون نے سوشل میڈیا پلیٹ فارم ایکس پر ایک پوسٹ میں بتایا کہ ہمیں علم ہے کہ اس وقت لوگوں کو ہماری سروسز تک رسائی میں دشواری ہو رہی ہے۔ ہم اس مسئلے کو حل کرنے کے لیے کام کر رہے ہیں۔

بندرگاہوں اور ویب سائٹس کی بندش پر نظر رکھنے والی ویب سائٹ ڈاؤن ڈیٹیکٹر کے مطابق مشرقی وقت کے مطابق صبح 10 بجکر 11 منٹ تک فیس بک میں خرابی کی 62,000 سے زائد جبکہ انسٹاگرام پر 8,000 سے زیادہ شکایات موصول ہو چکی تھیں۔ یہ ویب سائٹ مختلف ذرائع سے اسٹیٹس رپورٹس جمع کر کے آؤٹیج (سروسز کی بندش) کا سراغ لگاتی ہے۔

چونکہ ڈاؤن ڈیٹیکٹر پر موجود اعداد و شمار صارفین کی طرف سے جمع کرائی گئی رپورٹس پر مبنی ہوتے ہیں، اس لیے متاثرہ صارفین کی اصل تعداد اس سے مختلف ہو سکتی ہے۔

میٹا نے سروسز کی اس بندش کی اصل وجہ کے حوالے سے رائٹرز کی جانب سے بھیجی گئی تبصرے کی درخواست کا فوری طور پر کوئی جواب نہیں دیا۔