بھارت رواں سال کے آخر میں نیوزی لینڈ کا عالمی کرکٹ دورہ کرنے کے لیے تیار

بھارت رواں سال کے آخر میں نیوزی لینڈ کا اب تک کا سب سے بڑا انٹرنیشنل کرکٹ دورہ کرے گا، جس میں وہ میزبان ٹیم کے خلاف دو ٹیسٹ، پانچ ون ڈے اور پانچ ٹی ٹوئنٹی میچز کھیلے گا۔

دورے کا آغاز اکتوبر کے آخر اور نومبر کے شروع میں ٹی ٹوئنٹی میچز سے ہوگا، جس کے فوراً بعد ون ڈے سیریز کھیلی جائے گی۔ پہلا ٹیسٹ 19 سے 23 نومبر تک ویلنگٹن جبکہ دوسرا 27 نومبر سے 1 دسمبر تک کرائسٹ چرچ میں ہوگا۔ نیوزی لینڈ کرکٹ کے گلین کرچلے کے مطابق کرکٹ میں بھارت سے بڑا کوئی نہیں اور تمام میچز ہاؤس فل ہونے کی امید ہے۔ اس کے بعد آسٹریلیا میں چار ٹیسٹ کھیلنے کے بعد نیوزی لینڈ جنوری اور فروری 2027 میں تین ون ڈے، تین ٹی ٹوئنٹی اور دو ٹیسٹ میچوں کے لیے سری لنکا کی میزبانی کرے گا۔

علاوہ ازیں نیوزی لینڈ کی خواتین کرکٹ ٹیم دسمبر میں تین ٹی ٹوئنٹی اور تین ون ڈے میچوں کے لیے بنگلہ دیش کی میزبانی کرے گی۔