امریکہ کے ساتھ تنازع ختم کرنے کی پیشکش جائز اور فراخدلانہ ہے، ایران

ایران کی وزارت خارجہ کے ترجمان اسماعیل بقائی نے پیر کے روز کہا ہے کہ امریکہ کے ساتھ جنگ کے خاتمے اور آبنائے ہرمز کو دوبارہ کھولنے کے لیے ایران کی تجویز جائز اور فراخدلانہ تھی، تاہم امریکہ اب بھی غیر معقول اور یکطرفہ مطالبات پر قائم ہے۔

انہوں نے کہا کہ ہمارا مطالبہ جائز ہے کہ جنگ کا خاتمہ کیا جائے، (امریکی) محاصرے اور قزاقی کا خاتمہ ہو، اور وہ ایرانی اثاثے واپس کیے جائیں جو امریکی دباؤ کے باعث بینکوں میں غیر منصفانہ طور پر منجمد کیے گئے ہیں۔

اسماعیل بقائی نے مزید کہا کہ آبنائے ہرمز سے محفوظ گزرگاہ کی فراہمی اور خطے اور لبنان میں سیکیورٹی کا قیام بھی ایران کے مطالبات میں شامل ہے، جو علاقائی سلامتی کے لیے ایک ذمہ دار اور فراخدلانہ پیشکش سمجھی جاتی ہے۔