BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
پاکستان

یورپی کمپنیوں کی پاکستان میں سرمایہ کاری بڑھانے میں گہری دلچسپی

  • حکومت یورپی یونین کے ساتھ تجارتی تعلقات اور سرمایہ کاری کے فروغ کے لیے سنجیدہ کوششیں جاری رکھے گی،وزیراعظم
شائع اپ ڈیٹ

یورپی کمپنیوں نے پاکستان میں اپنے کام کے دائرہ کار کو وسعت دینے میں گہری دلچسپی کا اظہار کیا ہے۔ معروف کاروباری اداروں نے وزیر اعظم شہباز شریف کو بتایا ہے کہ ملک کے اہم شعبوں میں ترقی کے غیر معمولی امکانات موجود ہیں۔

یہ پیش رفت ایک بیان کے مطابق منگل کو وزیراعظم ہاؤس میں یورپی یونین کے اعلیٰ حکام اور ممتاز یورپی کمپنیوں کے کاروباری نمائندوں پر مشتمل وفد کی وزیراعظم شہباز شریف سے ملاقات کے بعد سامنے آئی ہے۔

وفد کی قیادت یورپی کمیشن کے ڈائریکٹوریٹ جنرل آف انٹرنیشنل پارٹنرشپس کے ڈائریکٹر ایشیا پیسفک، پیٹرس اسٹبس کر رہے تھے جب کہ وفد میں ڈائریکٹر انٹرنیشنل پارٹنرز، یورپین انویسٹمنٹ بینک تھوریا تریکی، ایڈیڈاز کے نائب صدر مینیول پاؤزر، ایندراتز کے نائب صدر کارل شلوگل باؤر، آئیکیا کے ریجنل ڈائریکٹر ڈائیٹر میٹکے شامل تھے

یہ وفد یورپی یونین-پاکستان بزنس فورم میں شرکت کے لیے پاکستان کا دورہ کر رہا ہے۔ اس ملاقات میں پاکستان میں تعینات یورپی یونین کے سفیر ریمنڈس کیروبلس بھی موجود تھے۔

وزیراعظم نے یورپی وفد کا پاکستان آمد پر خیر مقدم کیا اور یورپی یونین-پاکستان بزنس فورم میں ان کی شرکت پر شکریہ ادا کیا۔ انہوں نے کہا کہ یورپی یونین پاکستان کا سب سے بڑا تجارتی شراکت دار اور پاکستانی برآمدات کی سب سے بڑی منڈی ہے۔

یورپی یونین، پاکستان بزنس فورم کے انعقاد کو سراہتے ہوئے وزیراعظم شہباز شریف نے اس امید کا اظہار کیا کہ یہ ایونٹ پاکستان اور یورپی یونین کے درمیان تجارتی اور سرمایہ کاری کے تعلقات کو مزید فروغ دینے میں مددگار ثابت ہوگا۔ انہوں نے یورپی وفد کو یقین دلایا کہ حکومت یورپی یونین کے ساتھ تجارت اور سرمایہ کاری کے تعلقات کو وسعت دینے اور سہولتیں فراہم کرنے کے لیے اپنی سنجیدہ کوششیں جاری رکھے گی۔

انہوں نے وفد کو یقین دلایا کہ حکومت مشرقِ وسطیٰ کی صورتحال کے باعث تیل کی قیمتوں میں حالیہ اضافے جیسے علاقائی چیلنجز کے باوجود معیشت کے استحکام کے لیے کام جاری رکھنے کا پختہ عزم رکھتی ہے۔

اس سلسلے میں وزیر اعظم نے خاص طور پر یورپی کونسل کے صدر انتونیو کوسٹا کے ساتھ اپنی حالیہ دو ٹیلی فونک گفتگو کا تذکرہ کیا جس میں انہوں نے علاقائی سلامتی کی صورتحال کے ساتھ پاکستان اور یورپی یونین کے تعلقات کو مزید مضبوط بنانے کے طریقوں پر تفصیلی تبادلہ خیال کیا تھا۔

علاقائی امن کی کوششوں میں وزیر اعظم کے قائدانہ کردار کی تعریف کرتے ہوئے یورپی وفد نے بزنس فورم کی میزبانی میں مکمل تعاون فراہم کرنے پر حکومت کا شکریہ ادا کیا۔

وفد کے ارکان نے پاکستان میں سرمایہ کاری کے حوالے سے اپنے اپنے تجربات کے بارے میں بات کی اور کہا کہ توانائی، مواصلات، آئی ٹی وغیرہ سمیت مختلف شعبوں میں یورپی یونین اور پاکستان کے درمیان ان کاروباری تعلقات کی مزید ترقی کے لیے غیر معمولی امکانات موجود ہیں۔

یورپی یونین، پاکستان بزنس فورم کے موقع پر 600 سے زائد بی ٹو بی ملاقاتیں متوقع ہیں۔

ملاقات میں نائب وزیر اعظم و وزیر خارجہ سینیٹر محمد اسحاق ڈار، وزیر تجارت جام کمال خان، وزیر قانون، انصاف اور انسانی حقوق اعظم نذیر تارڑ، وزیر مملکت برائے خزانہ بلال اظہر کیانی، وزیراعظم کے معاونین خصوصی سید طارق فاطمی اور ہارون اختر خان کے علاوہ سینئر حکومتی حکام بھی موجود تھے۔


Comments

Comments are closed.