فروری 2026 میں پاکستان کا ریئل ایفیکٹو ایکسچینج ریٹ انڈیکس کم ہو کر 102.54 پر آگیا

اسٹیٹ بینک آف پاکستان (ایس بی پی) کی پیر کو جاری کردہ ڈیٹا کے مطابق، پاکستان کا ریئل ایفیکٹو ایکسچینج ریٹ (آرای ای آر)، جو ایک کرنسی کی قیمت کو کئی غیر ملکی کرنسیوں کے وزن دار اوسط کے مقابلے میں ناپتا ہے، فروری 2026 میں 102.54 پر پہنچ گیا، جو جنوری 2026 کے 103.30 کے مقابلے میں کم ہے۔

100 سے اوپر ریئر(آرای ای آر) اس بات کی نشاندہی کرتا ہے کہ ملک کی برآمدات غیر مسابقتی ہیں، جبکہ درآمدات نسبتاً سستی ہو جاتی ہیں۔ جب ریئر 100 سے کم ہو، تو صورتحال الٹی ہو جاتی ہے۔

ایس بی پی کے تازہ ترین اعداد و شمار کے مطابق فروری 2026 میں ماہانہ بنیاد پر ریئر میں 0.74 فیصد کمی ریکارڈ کی گئی۔

اسٹیٹ بینک آف پاکستان کے مطابق ریئر(آرای ای آر) جو کرنسی کی قیمت کو کئی غیر ملکی کرنسیوں کے وزن دار اوسط کے مقابلے میں ناپتا ہے، فروری 2026 میں 102.54 رہا، جو جنوری 2026 کے 103.30 کے مقابلے میں کمی ہے۔

سال بہ سال موازنہ کرنے پر فروری 2025 کے مقابلے میں ریئر میں 0.3 فیصد اضافہ دیکھا گیا، جب یہ 102.25 (نظرِ ثانی شدہ) تھا۔

اسٹیٹ بینک آف پاکستان نے واضح کیا ہے کہ ریئر انڈیکس کا 100 ہونا کرنسی کے توازن کی قدر نہیں بتاتا۔ بینک کے مطابق ”ریئر کا 100 سے ہٹنا صرف 2010 کے اوسط قیمت سے نسبتاً تبدیلی کو ظاہر کرتا ہے اور اس کا تعلق کرنسی کی توازن کی قدر سے نہیں ہے۔“

اسی دوران، نومینل ایفیکٹو ایکسچینج ریٹ انڈیکس ( این ای ای آر) فروری 2026 میں ماہانہ بنیاد پر 0.50 فیصد کمی کے ساتھ 37.64 پر آ گیا، جو جنوری 2026 میں 37.83 تھا۔ سالانہ بنیاد پر نیئر(این ای ای آر) فروری 2025 کے 39.09 کے مقابلے میں 3.7 فیصد کم ہوا۔

ریئر(آرای ای آر) کیا ہے؟

اسٹیٹ بینک کے مطابق ریئر( آرای ای آر) ایک ایسا انڈیکس ہے جو ایک ملک میں اشیائے ضروریہ کی ایک ٹوکری (باسکٹ) کی قیمت کو اس ملک کے اہم تجارتی شراکت داروں میں اسی ٹوکری کی قیمت کے مقابلے میں ظاہر کرتا ہے۔

ایس بی پی کی ویب سائٹ کے مطابق ”ان ٹوکریوں کی قیمتیں ایک ہی کرنسی میں ظاہر کی جاتی ہیں، جس میں ہر تجارتی شراکت دار کے ساتھ نومینل ایکسچینج ریٹ استعمال ہوتا ہے۔ ہر شراکت دار کی ٹوکری کی قیمت کو اس کی درآمدات، برآمدات یا کل غیر ملکی تجارت میں حصے کے مطابق وزن دیا جاتا ہے۔“