امریکہ کی جانب سے روسی تیل خریدنےکی اجازت کے باوجود خام تیل کی قیمتوں میں اضافہ

تیل کی قیمتیں جمعہ کو ہفتہ وار اضافہ کی طرف گامزن ہیں، حالانکہ امریکہ نے سپلائی کے خدشات کو کم کرنے کے لیے سمندر میں پھنسے ہوئے روسی تیل اور پیٹرولیم مصنوعات خریدنے کے لیے ممالک کو 30 روز کی لائسنس جاری کیا تھا۔

مئی کے لیے برینٹ فیوچرز 10 سینٹ یا 0.1 فیصد اضافے کے ساتھ 100.56 ڈالر فی بیرل پر پہنچ گئے، اور ہفتہ وار تقریباً 9 فیصد کے اضافے کی طرف جا رہے ہیں۔

اپریل کے لیے امریکی ویسٹ ٹیکساس انٹرمیڈیٹ (ڈبلیو ٹی آئی) خام تیل 16 سینٹ یا 0.2 فیصد کمی کے ساتھ 95.57 ڈالر فی بیرل پر رہا، تاہم ہفتہ وار تقریباً 7 فیصد اضافے کی راہ پر ہے۔

امریکی خزانہ کے سیکریٹری سکاٹ بیسینٹ نے کہا کہ یہ لائسنس عالمی توانائی مارکیٹس کو مستحکم کرنے کی ایک کوشش ہے جو ایران کی جنگ کے باعث ہلچل میں ہیں۔

ہائٹونگ فیوچرز کے تجزیہ کار یانگ این کے مطابق لائسنس کے اجرا سے مارکیٹ کے خدشات کم ہوئے ہیں، لیکن بنیادی مسئلہ حل نہیں ہوا۔ سب سے اہم چیز آبنائے ہرمز میں بحری آمدورفت کی بحالی ہے۔

روسی تیل کے حوالے سے یہ اعلان اس کے ایک دن بعد آیا جب امریکی توانائی ڈپارٹمنٹ نے کہا کہ وہ ایران جنگ کے بعد تیز مہنگائی کو کنٹرول کرنے کے لیے اسٹریٹجک پیٹرولیم ریزرو سے 172 ملین بیرل تیل جاری کرے گا۔ یہ منصوبہ انٹرنیشنل انرجی ایجنسی کے تعاون سے کیا گیا ہے، جو عالمی سطح پر ریکارڈ 400 ملین بیرل تیل اسٹاک سے جاری کرے گی۔

تاہم، آئی جی اینالسٹ ٹونی سائکامور کے مطابق، اس اقدام سے وقتی ریلیف ملا، مگر مشرق وسطیٰ کے خطرات کی دوبارہ شدت نے صورتحال کو پیچیدہ کر دیا۔ جمعرات کو دونوں بینچ مارک قیمتیں 9 فیصد سے زائد بڑھ گئیں اور اگست 2022 کے بعد سب سے زیادہ سطح پر پہنچیں۔

ایران کے نئے سپریم لیڈر مجتبیٰ خامنہ ای نے کہا کہ ایران لڑائی جاری رکھے گا اور امریکہ و اسرائیل کے خلاف ہرمز بند رکھے گا۔ عراق میں دو فیول ٹینکرز پر ایران نے حملہ کیا، اور عراق کے تیل کے بندرگاہیں مکمل طور پر بند ہو گئی ہیں۔

عمان نے احتیاطی تدبیر کے طور پر اپنے تمام جہاز مینہ الفحل سے ہٹا دیے جبکہ سعودی عرب نے ریڈ سی کے راستے ٹینکرز بھیجنے کے لیے پریمیم ادا کر رہا ہے۔ ایران روزانہ ایک یا دو ٹینکرز کو زیادہ تر چین کے لیے اجازت دے رہا ہے تاکہ چین کے ساتھ مالی تعلقات جاری رہیں۔