شکرگنج کی ایشیا پاک انویسٹمنٹس کی سرمایہ کاری کی تردید

شکرگنج لمیٹڈ نے واضح کیا ہے کہ ایشیا پاک انویسٹمنٹس نے اس کی ذیلی کمپنی شکرگنج فوڈ پروڈکٹس لمیٹڈ میں کوئی سرمایہ کاری نہیں کی ہے۔ کمپنی نے حال ہی میں ایک اخباری اشتہار میں کیے گئے دعووں کو بھی مسترد کردیا ہے۔

اسٹاک ایکسچینج میں جمع کرائے گئے نوٹس میں کمپنی نے کہا کہ اس نے 21 جنوری 2026 کو کچھ میڈیا سیکشنز میں ایشیا پیک انوسٹمنٹس کے اشتہار کو نوٹس کیا ہے۔

اشتہار میں دعویٰ کیا گیا تھا کہ ایشیا پاک انویسٹمنٹس پاکستان میں 11 حصولیاں مکمل کر چکی ہے اور مزید 5 ارب ڈالر کی سرمایہ کاری کا منصوبہ رکھتی ہے۔

اس تناظر میں شکرگنج فوڈ پروڈکٹس لمیٹڈ کا لوگو استعمال کیا گیا ہے جو کہ شکرگنج لمیٹڈ کی ایک ذیلی کمپنی ہے۔

اس حوالے سے شکر گنج لمیٹڈ اسٹاک ایکسچینج اور سرمایہ کار عوام کو یہ وضاحت پیش کرنا چاہتی ہے کہ ایشیا پیک انویسٹمنٹس نے شکر گنج فوڈ پراڈکٹس لمیٹڈ میں کوئی سرمایہ کاری، حصول، یا ایکویٹی شراکت داری نہیں کی ہے۔ اس لیے مذکورہ اشتہار میں اس حوالے سے کسی بھی قسم کی کوئی وضاحت حقائق کے برعکس ہے۔

نوٹس میں مزید کہا گیا ہے کہ یہ وضاحت شفافیت کے مفاد میں اور مارکیٹ میں کسی بھی قسم کی غلط فہمی یا غلط معلومات سے بچنے کے لیے جمع کرائی جا رہی ہے۔’

ایشیا پیک انویسٹمنٹس کے اشتہار جس کا عنوان پاکستان: ہم انتہائی پرامید ہیں تھا، میں پاکستان میں سرمایہ کاری کے امکانات کی وضاحت کی گئی اور متعدد کمپنیوں کو، جن میں شکر گنج فوڈ پراڈکٹس بھی شامل ہے، اس کے حصول کے پورٹ فولیو کے طور پر فہرست میں شامل کیا گیا۔