سازگار انجینئرنگ ورکس کا ”سی کے ڈی ماڈلز ٹینک“ کی بکنگ 26 جنوری سے شروع کرنے کا اعلان

سازگار انجینئرنگ ورکس لمیٹڈ نے اعلان کیا ہے کہ وہ 26 جنوری سے اپنی مقامی طور پر تیار کردہ (سی کے ڈی) ”ماڈلز ٹینک ” (ایچ آئی فور ٹی فور ایکس فور 500 ٹو پوائنٹ او ایل ٹربو اے )ٹینک کی بکنگ کا آغاز کرے گی۔ کمپنی نے اس پیش رفت سے متعلق پاکستان اسٹاک ایکسچینج (پی ایس ایکس) کو ایک نوٹس کے ذریعے آگاہ کیا۔

نوٹس میں کہا گیا ہے کہ یہ ماڈلز پلگ ان ہائبرڈ الیکٹرک (پی ایچ ای وی) اور ہائبرڈ الیکٹرک وہیکل (ایچ ای وی) دونوں ورژنز میں پیش کیے جائیں گے۔ نوٹس کے مطابق قیمتوں اور بکنگ کی تفصیلات کا اعلان کمپنی کی جانب سے آج شام الیکٹرانک اور سوشل میڈیا کے ذریعے کیا جائے گا۔

پلگ ان ہائبرڈ (پی ایچ ای وی) کیا ہے؟ ایک پی ایچ ای وی گاڑی میں پیٹرول انجن کے ساتھ ایک ایسی بیٹری لگی ہوتی ہے جو عام ہائبرڈ کے مقابلے میں بڑی ہوتی ہے، جس کی بدولت یہ گاڑی ایک خاص فاصلے تک صرف بجلی پر چل سکتی ہے۔ جب بجلی ختم ہو جاتی ہے تو گاڑی ایک عام ہائبرڈ کی طرح انجن اور الیکٹرک موٹر دونوں کا استعمال کرتے ہوئے کام کرتی ہے۔

گزشتہ سال ستمبر میں کمپنی نے نیو انرجی وہیکل (این ای وی) سیگمنٹ میں اپنی مسلسل پیش قدمی کے حصے کے طور پر 31 مارچ 2026 تک اپنے آنے والے پی ایچ ای وی ماڈلز ٹینک 500 اور کینن متعارف کروانے کے منصوبوں کا اعلان کیا تھا۔

کمپنی کا کہنا ہے کہ آٹو سیکٹر میں بحالی کے حوصلہ افزاء آثار نظر آ رہے ہیں اور یہ آہستہ آہستہ اپنی رفتار دوبارہ حاصل کر رہا ہے۔

کمپنی کے مطابق یہ تیزی آٹو اسمبلرز کو پیٹرول، ہائبرڈ، پلگ ان ہائبرڈ اور الیکٹرک گاڑیوں سمیت متعدد کیٹیگریز میں اپنی مصنوعات کو وسعت دینے کے مواقع فراہم کر رہی ہے۔

اس مثبت منظر نامے کے عین مطابق سازگار حکومت کے پالیسی فریم ورک کی روشنی میں جدید ٹیکنالوجی اور جدید خصوصیات سے لیس نیو انرجی وہیکلز (این ای ویز) متعارف کروانے کے لیے پرعزم ہے۔