ان ڈرائیو اور کریو مارٹ کے اشتراک سے گروسری ڈلیوری سروس کا آغاز

عالمی موبیلیٹی اور سروسز پلیٹ فارم ان ڈرائیو نے پاکستان میں اپنی خدمات کے دائرہ کار کو مزید وسعت دیتے ہوئےکریومارٹ کے ساتھ اشتراک میں ان ڈرائیو گروسریز کا آغاز کردیا ہے۔

اس نئی سروس کے ذریعے صارفین ان ڈرائی ایپ کے اندر ہی روزمرہ کی ضروری اشیاء آرڈر کر سکیں گے جس سے کراچی میں تیز، قابل اعتماد اور کم قیمت پر گروسری ڈیلیوری ممکن ہو سکے گی۔ اس سروس کو 2026 کے دوران لاہور، اسلام آباد اور راولپنڈی میں بھی متعارف کرانے کا منصوبہ ہے۔

یہ توسیع پاکستان کی مارکیٹ کے لیے موزوں ایک سپر ایپ تشکیل دینے کے ان ڈرائیو کے اسٹریٹجک روڈ میپ کی عکاس ہے جہاں موبیلیٹی، ڈلیوری اور روزمرہ ضروریات ایک ہی پلیٹ فارم پر یکجا ہوں گی۔ ایپ میں گروسری ڈیلیوری کو شامل کر کے ان ڈرائیو کا مقصد صارفین کی وابستگی بڑھانا،مختلف طرح خدمات کو شامل کرنا اور صارفین کو شفافیت، انصاف اور انتخاب پر مبنی یکساں تجربہ فراہم کرنا ہے۔

ان ڈرائیوکے ہیڈ آف کیو کامرس سروسز نورکن رزالییف نے کہا کہ اس سروس کا آغاز مقامی کاروباروں، ڈلیوری پارٹنرز اور صارفین کے لیے مزید مواقع پیدا کرنے کی جانب ایک اہم قدم ہے، ہمارا ہدف ایک ایسا ایکو سسٹم تشکیل دینا ہے جس میں ہر فرد ڈیجیٹل معیشت میں حصہ لے سکے اور اس سے فائدہ اٹھا سکے۔

کریو مارٹ کے ساتھ اشتراک کے تحت، جو ڈارک اسٹورز پر مبنی ایک نمایاں کیو کامرس پلیٹ فارم ہے ان ڈرائیو گروسریز صارفین کو 7,500 سے زائد مصنوعات فراہم کرے گا، جس میں تازہ سبزیاں و پھل، تازہ گوشت، ڈیری مصنوعات، اسنیکس اور گھریلواستعمال کی اشیاء شامل ہیں۔ اوسط ڈلیوری وقت 20 سے 30 منٹ رکھا گیا ہے جبکہ صارفین خصوصی آفرز، رعایتوں اور 599 روپے سے زائد آرڈرز پر بغیر کسی سروس فیس کے مفت ڈیلیوری سے بھی فائدہ اٹھا سکیں گے۔

کریو مارٹ کے بانی اور چیف ایگزیکٹو آفیسر قاسم شروف نے کہا کہ ان ڈرائیو کے ساتھ شراکت داری پاکستان میں گروسری ڈلیوری کے نظام میں ایک نمایاں پیشرفت ہے۔ دونوں کمپنیاں مل کر آپریشنل رفتار اور ٹیکنالوجی کی وسعت کو یکجا کر رہی ہیں تاکہ 20 سے 30 منٹ میں گروسری ڈلیوری کو سہولت کا نیا معیار بنایا جا سکے، وہ بھی روزانہ کم ترین قیمتوں کے ساتھ، کیونکہ سہولت مہنگی نہیں ہونی چاہیے۔