بگ برڈ فوڈز لمیٹڈ نے 3 میگاواٹ سولر پاور سسٹم کا افتتاح کردیا

بگ برڈ فوڈز لمیٹڈ (بی بی ایف ایل) نے منگل کو اعلان کیا کہ اس نے اپنی پروڈکشن فیسیلٹی (پیداواری یونٹ) میں 3 میگا واٹ کے سولر پاور سسٹم کی تنصیب کامیابی سے مکمل کر لی ہے جو اب مکمل طور پر فعال ہے اور بجلی پیدا کر رہا ہے۔

لسٹڈ کمپنی نے یہ اطلاع آج پاکستان اسٹاک ایکسچینج میں دائر ایک فائلنگ کے ذریعے دی۔

بی بی ایف ایل نے کہا کہ یہ سسٹم اب مکمل طور پر فعال ہے اور اس نے بجلی کی پیداوار شروع کردی ہے جو کمپنی کی ماحولیاتی، سماجی اور گورننس (ای ایس جی) اقدامات کے لیے مضبوط عزم اور ماحول دوست متبادل توانائی کے ذرائع اپنانے کی عکاسی کرتا ہے۔

نوٹس میں مزید کہا گیا کہ اس تنصیب سے سالانہ توانائی اخراجات میں خاطر خواہ کمی متوقع ہے، ساتھ ہی آپریشنل کارکردگی میں بہتری اور طویل المدتی پائیداری کے اہداف کی حمایت بھی ہوگی۔

بی بی ایف ایل کو 21 ستمبر 2011 کو کمپنیز آرڈیننس، 1984 کے تحت پرائیویٹ لمیٹڈ کمپنی کے طور پر رجسٹر کیا گیا تھا (جو بعد میں کمپنیز ایکٹ، 2017 کے نفاذ کے ساتھ منسوخ ہو گیا)۔ بعد ازاں، یہ 1 جون 2023 کو پبلک لمیٹڈ کمپنی میں تبدیل ہوگئی۔

کمپنی اعلیٰ معیار کے پروسیس شدہ ریڈی ٹو کک اور ریڈی ٹو ایٹ چکن مصنوعات میں مہارت رکھتی ہے۔

پاکستان میں متبادل توانائی کے ذرائع، خاص طور پر سولر توانائی کی طرف رجحان بڑھ رہا ہے، جو رہائشی اور تجارتی شعبوں میں دن بہ دن مقبول ہو رہا ہے۔

پالیسی ریسرچ انسٹیٹیوٹ فار ایکویٹیبل ڈیولپمنٹ کے مطابق پاکستان اپنے توانائی شعبے میں غیر معمولی سولرائزیشن کا تجربہ کر رہا ہے اور ملک بھر میں اب تک 33 گیگاواٹ کی صلاحیت کے سولر فوٹو وولٹک پینلز نصب کیے جا چکے ہیں۔