دوسرا ٹی ٹوئنٹی: ڈی کوک کی شاندار اننگزکی بدولت پروٹیز کی بھارت کو 51 رنز سے شکست

جنوبی افریقا نے بھارت کو ٹی ٹوئنٹی سیریز کے دوسرے میچ میں 51 رنز سے شکست دے کر سیریز 1-1 سے برابر کردی۔

نیو چندی گڑھ میں کھیلے گئے میچ میں بھارت کی دعوت پر پہلے بیٹنگ کرتے ہوئے پروٹیز نے مقررہ 20 اوورز میں 213 رنز اسکور کیے۔

کوئنٹن ڈی کاک دھواں دار 90 رنز بنا کر نمایاں رہے۔ کپتان ایڈن مارکرم 29، ڈیوالڈ بریوس 14 اور ریزا ہینڈرکس 8 رنز بنا کر آؤٹ ہوئے۔ ڈونوون فریرا اور ڈیوڈ ملر بالترتیب 30 اور 20 رنز بنا کر ناٹ آؤٹ پویلین لوٹے۔

بھارت کی جانب سے ورون چکرورتی نے 2 اور اکشر پٹیل نے 1 کھلاڑی کو آؤٹ کیا۔

ہدف کے تعاقب میں بھارت کی ٹیم آخری اوور میں 162 رنز بنا کر آؤٹ ہوگئی۔

بھارت کی جانب سے تک ورما 62 رنز بنا کر نمایاں رہے۔ جتیش شرما 27، ہاردک پانڈیا 20، اکشر پٹیل 21، ابھیشیک شرما 17، کپتان سوریا کمار یادو 5، ارشدیپ سنگھ 4، شیوم ڈوبے 1 جبکہ شبمن گِل اور ورون چکرورتی بغیر کوئی رن بنائے آؤٹ ہوئے۔

جنوبی افریقا کی جانب سے اوٹنل بارٹمن 4 وکٹیں حاصل کرکے نمایاں رہے۔ مارکو جینسن، لُنگی اینگیٹی اور لوتھو سِیپامالا نے 2، 2 کھلاڑیوں کو آؤٹ کیا۔

مین آف دی میچ قرار دیے جانے کے بعد ڈی کوک نے کہا کہ جب میں کھیلنا شروع کرتا ہوں تو کوشش کرتا ہوں کہ ہر رن کا مطلب نکلے۔

انہوں نے مزید کہا کہ ابتدائی طور پر وکٹ سست تھی۔ کسی بھی نئے بلے باز کے لیے کھیلنا مشکل ہوتا۔

سیریز کا تیسرا میچ 14 دسمبر (اتوار) کو دھرمشالا میں کھیلا جائے گا۔