بھارت : دارالحکومت نئی دہلی میں لال قلعہ کے قریب دھماکا، 8 افراد ہلاک
- دھماکا میٹرو اسٹیشن کے قریب ایک گاڑی میں ہوا، پولیس ترجمان؛ کم از کم 6 گاڑیاں اور 3 آٹو رکشے آگ کی لپیٹ میں آئے، ڈپٹی فائر چیف
بھارت کے دارالحکومت نئی دہلی کے گنجان آباد علاقے میں واقع تاریخی لال قلعہ کے قریب دھماکا ہوا ہے جس میں 8 افراد ہلاک ہو گئے۔ یہ بات مقامی پولیس حکام نے بتائی ہے۔
پولیس کے ترجمان سنجے تیاغی کے مطابق دھماکا لال قلعہ کے قریب ایک گاڑی میں ہوا، تاہم اس کی اصل وجہ فوری طور پر معلوم نہیں ہو سکی اور تحقیقات جاری ہیں۔
ٹی وی چینلز کے مطابق اس واقعے میں کم از کم 11 افراد زخمی بھی ہوئے۔
مقامی میڈیا پر نشر ہونے والی تصاویر میں شدید دھواں اور شعلے دکھائی دیے، جو پرانے دہلی کے ایک مصروف بازار اور میٹرو اسٹیشن کے قریب واقع گنجان گلی سے اٹھ رہے تھے۔
دہلی کے ڈپٹی فائر چیف کے مطابق کم از کم چھ گاڑیاں اور تین آٹو رکشے آگ کی لپیٹ میں آئے، جسے فائرفائٹنگ ٹیموں نے بجھایا۔
ایک مقامی رہائشی، جس نے اپنا نام ظاہر نہیں کیا، این ڈی ٹی وی سے گفتگو میں کہا کہ ہمیں ایک زور دار دھماکے کی آواز سنائی دی، ہماری کھڑکیاں ہل گئی تھیں۔
پولیس نے واقعے کی جگہ پر جمع ہونے والے ہجوم کو منتشر کرنے کی کوشش کی۔
لال قلعہ، جسے بھارت میں ریڈ فورٹ یا لال قلعہ کے نام سے جانا جاتا ہے، 17ویں صدی کے مغل دور کا قلعہ ہے، جو پرانے شہر میں واقع ہے اور سال بھر سیاحوں کی توجہ کا مرکز ہے۔
Comments
Comments are closed.