لکی انویسٹمنٹس تیزی سے ترقی کرنیوالی ایسیٹ مینجمنٹ کمپنی، اے یو ایمز 100 ارب سے متجاوز

لکی انویسٹمنٹس لمیٹڈ نے اپریل 2025 میں پہلا فنڈ متعارف کرانے کے بعد محض چھ ماہ سے بھی کم عرصے میں 100 ارب روپے کے اثاثہ جات برائے انتظام (اے یو ایمز) کی حد عبور کرلی ہے۔ اس سنگِ میل کے ساتھ ہی کمپنی پاکستان کی تاریخ میں سب سے تیزی سے ترقی کرنے والی ایسیٹ مینجمنٹ کمپنی بن گئی ہے۔

کمپنی نے اپنی اس کامیابی کا سہرا ادارہ جاتی اور ریٹیل سرمایہ کاروں کی بھرپور شمولیت کو دیا۔ اس موقع پر سی ای او محمد شعیب سی ایف اے نے کہا کہ ہم اپنے معزز سرمایہ کاروں کے شکر گزار ہیں جنہوں نے اس سنگِ میل کو ممکن بنایا، یہ کامیابی ہمارے مضبوط اسپانسر شپ، شفاف گورننس فریم ورک اور پروفیشنل مینجمنٹ ٹیم پر سرمایہ کاروں کے اعتماد کی عکاسی کرتی ہے۔ ہم عالمی معیار کے سود سے پاک سرمایہ کاری حل فراہم کرنے کے لیے پرعزم ہیں جو شفافیت، اعتماد اور بہترین خدمات پر مبنی ہیں۔

اپنے قیام کے بعد سے لکی انویسٹمنٹس نے چار شریعت کے مطابق فنڈز متعارف کرائے ہیں — لکی اسلامک منی مارکیٹ فنڈ، لکی اسلامک انکم فنڈ، لکی اسلامک اسٹاک فنڈ، اور لکی اسلامک فکسڈ ٹرم فنڈ۔ کمپنی نے ایک رضاکارانہ پنشن اسکیم (VPS) کا لائسنس بھی حاصل کرلیا ہے اور جلد ہی وی پی ایس پروڈکٹس متعارف کرانے کا ارادہ رکھتی ہے تاکہ ریٹیل سرمایہ کاروں کو ریٹائرمنٹ کے لیے بچت میں زیادہ سے زیادہ شمولیت کی ترغیب دی جاسکے۔

اپنے قیام کے بعد سے لکی انویسٹمنٹس نے چار شریعت کے مطابق فنڈز متعارف کرائے ہیں — لکی اسلامک منی مارکیٹ فنڈ، لکی اسلامک انکم فنڈ، لکی اسلامک اسٹاک فنڈ اور لکی اسلامک فکسڈ ٹرم فنڈ۔

کمپنی نے ایک رضاکارانہ پنشن اسکیم (وی پی ایس) کا لائسنس بھی حاصل کرلیا ہے اور جلد وی پی ایس پروڈکٹس لانچ کرنے کا ارادہ رکھتی ہے تاکہ ریٹیل سرمایہ کاروں کو ریٹائرمنٹ کے لیے بچت میں زیادہ سے زیادہ شمولیت کی ترغیب دی جاسکے۔

اس کے علاوہ، لکی انویسٹمنٹس صوبائی اور وفاقی حکومتوں کے ساتھ مل کر سرکاری ملازمین کے لیے خصوصی پنشن فنڈز قائم کرنے پر بھی کام کررہی ہے۔

کاپی رائٹ بزنس ریکارڈر 2025