آئرس ٹیکس دہندگان: ایف بی آر نے کیو آر کوڈ کے ذریعے لاگ اِن کی شرط معطل کردی

فیڈرل بورڈ آف ریونیو (ایف بی آر) نے ٹیکس دہندگان کے لیے کیو آر کوڈ کے ذریعے آئرس سسٹم میں لاگ اِن کرنے کی شرط معطل کردی ہے۔

ایف بی آر نے وفاقی ٹیکس محتسب (ایف ٹی او) کے ریجنل سیکریٹریٹ پشاور کو اپنے خلاف دائر شکایت کے ازالے کے لیے اس فیصلے سے آگاہ کر دیا ہے۔

ٹیکس ماہرین کے مطابق شکایت آئرس سسٹم میں کیو آر کوڈ کے ذریعے لاگ اِن سے متعلق تھی۔ بتایا گیا ہے کہ کیو آر کوڈ کی شرط معطل کردی گئی ہے اور ممکنہ طور پر شکایت بھی حل ہوگئی ہے۔

ایف بی آر کے وفاقی ٹیکس محتسب (ایف ٹی او) ریجنل سیکریٹریٹ پشاور کو ارسال کردہ خط میں کہا گیا ہے کہ آئرس سسٹم میں کیو آر کوڈ کے ذریعے لاگ اِن کی شرط اب معطل کر دی گئی ہے۔

کاپی رائٹ بزنس ریکارڈر 2025