دی آرگینک میٹ کمپنی لمیٹڈ (ٹی او ایم سی ایل) نے جمعرات کے روز اعلان کیا ہے کہ وہ متحدہ عرب امارات میں کارفور (ماجد الفطیم - ہائپر مارکیٹ ایل ایل سی) کے نیٹ ورک میں براہِ راست برآمدات کے لیے اہل قرار پائی ہے۔
یہ بات کمپنی نے آج پاکستان اسٹاک ایکسچینج (پی ایس ایکس) کو ایک اعلامیے میں بتائی۔
اعلامیے کے مطابق، کارفور (ماجد الفطیم) کے سخت کوالٹی معیارات پر پورا اترنے کے بعد ٹی او ایم سی ایل اب متحدہ عرب امارات میں کارفور کے تمام ریٹیل نیٹ ورکس کے لیے منظور شدہ وینڈر بن چکی ہے، جو کہ کمپنی کے علاقائی اثر و رسوخ میں خاطرخواہ اضافے اور مشرقِ وسطیٰ کے بڑے ریٹیل مارکیٹس میں ایک قابلِ اعتماد حلال گوشت سپلائر کے طور پر اس کی حیثیت کو مضبوط بناتا ہے۔
کمپنی نے مزید بتایا کہ یہ تاریخی پیش رفت اس وقت ممکن ہوئی جب ٹی او ایم سی ایل نے کارفور (ماجد الفطیم - ہائپر مارکیٹ ایل ایل سی) کے سسٹمز، حفظانِ صحت اور آپریشنل ایکسیلینس کے جامع آڈٹ میں کامیابی حاصل کی، جہاں کمپنی نے 94.89 فیصد اسکور حاصل کیا۔
اعلامیے کے مطابق یہ آڈٹ بین الاقوامی معیارات کے مطابق کمپنی کی مکمل سپلائی چین کا جائزہ تھا۔
مزید یہ کہ، 5 اگست کو کمپنی نے دولتِ مشترکہ آزاد ریاستوں (سی آئی ایس) کے خطے میں واقع تاجکستان کی مارکیٹ میں داخل ہو کر اپنی بین الاقوامی موجودگی کو وسعت دینے کا ایک اور اہم اعلان کیا۔
کمپنی کے مطابق اسے 32 لاکھ 40 ہزار ڈالر مالیت کے منجمد بون لیس بیف کے کنفرم برآمدی آرڈرز موصول ہو چکے ہیں، جو موجودہ مالی سال کے دوران مکمل کیے جائیں گے۔
Comments
Comments are closed.