جولائی: ٹیکسٹائل برآمدات میں 33.7 فیصد اضافہ، حجم 1.69 ارب ڈالر ریکارڈ

رواں مالی سال کے پہلے ماہ (جولائی) کے دوران ملکی ٹیکسٹائل برآمدات میں 33.7 فیصد اضافہ ہوا ہے جو 1.69 ارب ڈالر تک پہنچ گئیں جب کہ مالی سال 2024-25 کی اسی مدت میں ملکی ٹیکسٹائل برآمدات 1.27 ارب ڈالر تھیں۔

آل پاکستان ٹیکسٹائل ملز ایسوسی ایشن (اپٹما) کے مطابق جولائی 2021-22 میں ٹیکسٹائل برآمدات 1.47 ارب ڈالر تھیں جبکہ جولائی 2022-23 میں 1.48 ارب ڈالر، جولائی 2023-24 میں 1.31 ارب ڈالر اور جولائی 2024-25 میں 1.27 ارب ڈالر ریکارڈ کی گئی تھیں۔

پاکستان کی ٹیکسٹائل برآمدات مالی سال 2022 میں 19.30 ارب ڈالر، مالی سال 2023 میں 16.51 ارب ڈالر، مالی سال 2024 میں 16.68 ارب ڈالر اور مالی سال 2025 میں بھی 16.68 ارب ڈالر ریکارڈ کی گئیں۔

کاپی رائٹ بزنس ریکارڈر 2025