ابھرتی ہوئی مارکیٹ کی معیشتوں کیلئے العلا کانفرنس کا آغاز، محمد اورنگزیب پاکستان کی نمائندگی کرینگے

ابھرتی ہوئی مارکیٹ کی معیشتوں کے لئے پہلی العلا کانفرنس اتوار کو یہاں شروع ہوئی ، جس میں دنیا بھر کے وزرائے خزانہ ، مرکزی بینک کے گورنرز ، پالیسی سازوں اور معاشی ماہرین نے شرکت کی۔

وفاقی وزیر خزانہ و محصولات سینیٹر محمد اورنگزیب اپنے سعودی ہم منصب محمد الجدعان کی خصوصی دعوت پر دو روزہ اعلیٰ سطحی تقریب میں شرکت کر رہے ہیں۔ بین الاقوامی مالیاتی فنڈ (آئی ایم ایف) اور سعودی وزارت خزانہ کی جانب سے مشترکہ طور پر منعقد ہونے والی اس کانفرنس کا مقصد عالمی معاشی غیر یقینی صورتحال کے درمیان لچک پیدا کرنے اور پائیدار اقتصادی ترقی پر تبادلہ خیال کو فروغ دینا ہے۔

کل نو سیشن منعقد ہوں گے، جن میں 200 شرکاء اور 36 مقررین شامل ہوں گے، جن میں 48 ممالک کے نمائندے شریک ہوں گے۔

کانفرنس کے دوران سینیٹر محمد اورنگزیب آئی ایم ایف کی منیجنگ ڈائریکٹر کرسٹالینا جارجیوا کے علاوہ مصر، برازیل اور ترکی کے وزرائے خزانہ کی زیر نگرانی ”لچکدار ابھرتی ہوئی مارکیٹوں کے راستے پر چلنے“ کے موضوع پر ایک اعلیٰ سطحی پینل مباحثے میں حصہ لیں گے۔

العلا کانفرنس ابھرتی ہوئی مارکیٹوں اور ترقی پذیر معیشتوں کے لئے ایک سالانہ پلیٹ فارم بننے کے لئے تیار ہے تاکہ عالمی اقتصادی مباحثے کو تشکیل دیا جاسکے ، پالیسی کوآرڈینیشن کو بڑھایا جاسکے اور پائیدار معاشی استحکام کے لئے بین الاقوامی تعاون کو مضبوط بنایا جاسکے۔