ہاؤسنگ سیکٹر، وزیراعظم آج پیکج کی منظوری دیں گے

وزیر اعظم شہباز شریف ہاؤسنگ انڈسٹری کی ترقی کے لئے جمعرات (6 فروری) کو پیکیج کی منظوری دیں گے، جس میں رئیل اسٹیٹ سیکٹر کے لئے ٹیکس نظام کو معقول بنانا بھی شامل ہے۔

ذرائع نے بزنس ریکارڈر کو بتایا کہ وزیراعظم ہاؤسنگ سیکٹر سے متعلق اجلاس کی صدارت کریں گے۔ اجلاس میں ہاؤسنگ کے اہم چیلنجز سے نمٹنے کیلئے ٹاسک فورس کی سفارشات پر غور کیا جائے گا۔

اجلاس میں ترقی کے فریم ورک کو حتمی شکل دینے اور ہاؤسنگ سیکٹر کے لئے فنانسنگ رسائی پر توجہ مرکوز کی جائے گی۔

ٹاسک فورس کی حتمی سفارشات کے مطابق 7 ای ڈیکلریشن سے متعلق 236 سی کی ذیلی شق 2 اے کو ختم کرنے اور کمشنر کی منظوری دینے، ایک کروڑ روپے تک مالیت کی جائیدادوں کو بنیادی استثنیٰ دینے، نان ریزیڈنٹ تصدیق کو نادرا کے ذریعے آن لائن سسٹم میں منتقل کرنے اور فائلرز اور لیٹ فائلرز کے لیے یکساں شرح پر عدم مساوات دور کرنے کی سفارش کی گئی ہے۔

ٹاسک فورس نے انکم ٹیکس آرڈیننس کے سیکشن 7 ای کو ختم کرنے کی بھی سفارش کی ہے۔ صوبوں اور آئی سی ٹی میں اسٹامپ ٹیکس کی شرحوں کو معیاری اور معقول بنانا، اسلام آباد میں سی وی ٹی کو ختم کرنا اور نیشنل ٹیکس کونسل کے ذریعے یکساں ٹیکس پالیسیوں کو یقینی بنانا اور رئیل اسٹیٹ اور تعمیراتی شعبے میں 50 ملین روپے تک کی سرمایہ کاری کے لئے دولت کے استثنیٰ کو یقینی بنانا شامل ہے۔

ٹاسک فورس نے مزید سفارش کی ہے کہ مارکیٹ کی قیمتوں کی عکاسی کرنے کے لئے ہر تین سال بعد پراپرٹی ویلیو ایشن پر نظر ثانی کی جائے اور مخصوص زمروں جیسے کم لاگت ہاؤسنگ، سرکاری پلاٹس اور پہلی بار گھر خریدنے والوں کے لئے ٹرانزیکشن ٹیکس میں چھوٹ متعارف کرائی جائے۔

ٹاسک فورس کی قلیل مدتی سفارشات میں پالیسی ریٹ کو سنگل ڈیجٹ تک کم کرنا بھی شامل تھا۔ ڈویلپر کے اعتماد کو بحال کرنے کے لئے ایم پی ایم جی اسکیم کو دوبارہ شروع کرنا؛ کم لاگت ہاؤسنگ قرضوں کے لئے مارک اپ سبسڈی دوبارہ شروع کرنا۔ صارفین کو تعلیم دینے کے لئے آگاہی مہمات اور مالی خواندگی کے پروگراموں کا آغاز کرنا؛ رئیل اسٹیٹ ڈویلپرز کے ساتھ مل کر رہن فنانسنگ کے اختیارات پیش کرنا اور 5، 10 اور 20 سال کی مدت کے لئے کم / مقررہ مدت کے قرضوں کو نافذ کرنا شامل ہے۔

کاپی رائٹ بزنس ریکارڈر، 2025