دیوجیت سیکیا بھارتی کرکٹ بورڈ کے نئے سربراہ منتخب

بھارت کے طاقتور اور انتہائی دولت مند کرکٹ بورڈ نے نئے سربراہ کیلئے سابق کھلاڑی اور وکیل دیوجیت سیکیا کا انتخاب کیا ہے۔

بورڈ آف کنٹرول فار کرکٹ ان انڈیا (بی سی سی آئی) نے ایک بیان میں کہا کہ دیوجیت سیکیا کو بی سی سی آئی کا سکریٹری منتخب کر لیا گیا ہے۔ 55 سالہ سیکیا جے شاہ کی جگہ لیں گے جنہوں نے بین الاقوامی کرکٹ کونسل کا چیئرمین بننے کیلئے یہ عہدہ چھوڑا تھا۔

بزنس مین اور اسٹیٹ کرکٹ ایڈمنسٹریٹر پربھتیج سنگھ بھاٹیا کو بی سی سی آئی کا خزانچی مقرر کیا گیا ہے۔

جے شاہ کے گزشتہ ماہ آئی سی سی کے چیئرمین بننے کے بعد سیکیا کو عبوری سکریٹری کے طور پر بی سی سی آئی بورڈ میں مقرر کیا گیا تھا۔

معمولی کرکٹ کیریئر کے سبب سیکیا کو مداحوں میں شناخت نہ مل سکی تاہم وہ حکمران جماعت بھارتی جنتیا پارٹی سے قریبی تعلقات رکھتے ہیں۔

سیکیا نے ہمنتا بسوا شرما کی قیادت میں شمال مشرقی ریاست آسام میں ایک کرکٹ کلب کے جنرل سکریٹری کی حیثیت سے خدمات انجام دے کر انتظامیہ میں قدم رکھا۔

شرما اب آسام میں بی جے پی کے وزیر اعلیٰ ہیں جو مودی کی قیادت میں 2014 سے بھارتی حکمران جماعت ہے۔

سیکیا اور شرما دونوں نے بعد میں آسام اسٹیٹ کرکٹ ایسوسی ایشن میں خدمات انجام دیں۔

جب شرما کو ریاستی وزیر اعلیٰ منتخب کیا گیا تو انہوں نے سیکیا کو اپنا ایڈوکیٹ جنرل – حکومت کا چیف لیگل ایڈوائزر مقرر کیا۔

سیکیا ایک وکٹ کیپر بلے باز تھے جن کی فرسٹ کلاس کرکٹ میں کارکردگی معمولی رہے اور انہوں نے اپنی آبائی ریاست آسام کے لئے چار میچ کھیل کر صرف 53 رنز بنائے۔