اسٹیٹ بینک آف پاکستان (ایس بی پی) نے ریورس ریپو پرچیزنگ اور شریعہ کمپلائنٹ مداربا بیسڈ اوپن مارکیٹ آپریشنز (او ایم او) کے ذریعے مارکیٹ میں 2,429.65 ارب روپے کی رقم فراہم کی۔
مرکزی بینک نے 3 جنوری کو 7 دن اور 28 دن کی مدت کے لیے اوپن مارکیٹ آپریشن، ریورس ریپو پرچیز (انجیکشن) کی اور جاری کیے گئے نتائج کے مطابق 23 بولیوں کے ذریعے 2,245.65 ارب روپے کی رقم قبول کی۔
مرکزی بینک کو 7 دن کی مدت کے لیے 10 بولیاں موصول ہوئیں جن میں مجموعی طور پر 13.04 سے 13.09 فیصد کے درمیان شرح منافع پر 1,455.8 ارب روپے کی رقم پیش کی گئی جب کہ 28 دن کی مدت کے لیے 13 بولیاں موصول ہوئیں جن میں 13.04 سے 13.08 فیصد کے درمیان شرح منافع پر 1,145.65 ارب روپے کی پیشکش کی گئی۔
مرکزی بینک نے 7 دن کی مدت کے لیے 10 بڈز کے ذریعے پیش کردہ 1,100 ارب روپے کو 13.04 فیصد کی شرح منافع پر قبول کی۔ 13.04 فیصد کی شرح پر کل پیش کردہ رقم 427 ارب روپے تھی، جس میں سے اسٹیٹ بینک نے 100 ارب روپے کو تناسب کی بنیاد پر قبول کیا۔ اسٹیٹ بینک نے 13.04 فیصد شرح منافع پر 28 دن کی مدت کے لیے پیش کیے گئے تمام 13 بولیوں کو قبول کیا جن کی مالیت 1145.65 ارب روپے ہے۔
دریں اثنا اسٹیٹ بینک نے 7 روزہ اور 28 دن کی مدت کے لیے شریعت کمپلائنٹ مداربہ پر مبنی اوپن مارکیٹ آپریشن بھی کیا اور پیش کردہ 5 کوٹس کو قبول کرتے ہوئے مارکیٹ میں 184 ارب روپے کی سرمایہ کاری کی۔
مرکزی بینک کو 13.08 سے 13.10 فیصد کے درمیان شرح منافع پر 179 ارب روپے اور 28 دن کی مدت کے لیے 13.08 فیصد شرح منافع پر 5 ارب روپے کی ایک بولی موصول ہوئی۔
اسٹیٹ بینک نے 7 دن اور 28 دن کی مدت کے لئے تمام 5 بولیوں کو 13.08 فیصد شرح منافع پر قبول کیا۔
Comments
Comments are closed.