جاپان میں انتخابی عمل جاری، نئے وزیراعظم کو مشکلات کا سامنا

جاپان میں اتوار کو برسوں میں اپنے سخت ترین انتخابات میں ووٹ ڈالے گئے، نئے وزیر اعظم شیگیرو ایشیبا اور ان کی لبرل ڈیموکریٹک پارٹی کو ممکنہ طور پر 2009 کے بعد سے بدترین نتائج کا سامنا ہے۔

رائے عامہ کے جائزوں سے پتہ چلتا ہے کہ قدامت پسند ایل ڈی پی اور اس کے جونیئر اتحادی پارٹنر کو اکثریت سے محروم ہوہنے کا خطرہ ہے، جس کے نتیجے میں ایشیبا کو ایک بڑا دھچکا لگ سکتا ہے۔

67 سالہ سابق وزیر دفاع نے عہدہ سنبھالا اور گزشتہ ماہ ایل ڈی پی کی قیادت کے لیے منتخب ہونے کے بعد قبل از وقت انتخابات کا اعلان کیا، جس نے تقریبا گزشتہ سات دہائیوں سے جاپان پر حکمرانی کی ہے۔

لیکن دنیا کی چوتھی سب سے بڑی معیشت میں رائے دہندگان کو بڑھتی ہوئی قیمتوں اور پارٹی کی جانب سے فنڈز اسکینڈل کے نتیجے میں شدید دھچکا لگا ہے ۔

ٹوکیو سے تعلق رکھنے والے 48 سالہ ووٹر یوشی ہیرو اوچیڈا نے اتوار کے روز اے ایف پی کو بتایا کہ “میں نے اپنا فیصلہ سب سے پہلے ان کی معاشی پالیسیوں اور افراط زر کو کم کرنے کے اقدامات کو دیکھتے ہوئے کیا۔ “میں نے ان لوگوں کو ووٹ دیا جو ہماری زندگیوں کو بہتر بنانے کا امکان رکھتے ہیں۔

ایشیبا نے مایوس دیہی علاقوں کو بحال کرنے اور کام کے لچکدار اوقات جیسے خاندان دوست اقدامات کے ذریعے جاپان کی گرتی ہوئی آبادی کی ”پرسکون ہنگامی صورتحال“ سے نمٹنے کا عہد کیا ہے۔

لیکن انہوں نے شادی شدہ جوڑوں کو علیحدہ سر نیم رکھنے کی اجازت دینے سمیت معاملات پر اپنے موقف سے پیچھے ہٹ گئے ہیں۔ انہوں نے اپنی کابینہ میں صرف دو خواتین وزراء کے نام بھی شامل کیے۔

خود ساختہ سکیورٹی پالیسی ”گیک“ نے چین کا مقابلہ کرنے کے لئے نیٹو کی طرز پر ایک علاقائی فوجی اتحاد کے قیام کی حمایت کی ہے ، حالانکہ انہوں نے متنبہ کیا ہے کہ یہ ”راتوں رات نہیں ہوگا“۔

جاپانی ذرائع ابلاغ کے متعدد جائزوں میں یہ بات سامنے آئی ہے کہ ایل ڈی پی اور اس کے اتحادی کومیتو کو ایوان زیریں میں اکثریت کے لیے درکار 233 نشستیں حاصل کرنے کے لیے مشکلات کا سامنا کرنا پڑ سکتا ہے۔

ایشیبا نے اس حد کو اپنا مقصد قرار دیا ہے اور اس سے محروم رہنے سے ایل ڈی پی میں ان کی پوزیشن کمزور ہو جائے گی اور اس کا مطلب دیگر اتحادیوں کو تلاش کرنا یا اقلیتی حکومت کی قیادت کرنا ہوگا۔

ایشیبا نے ہفتہ کے روز ایک ریلی سے خطاب کرتے ہوئے کہا، “ہم ایک منصفانہ اور مخلص پارٹی کے طور پر نئے سرے سے شروعات کرنا چاہتے ہیں اور آپ کا مینڈیٹ حاصل کرنا چاہتے ہیں۔