ایس ای سی پی کمشنرز کا انٹرویو: سلیکشن کمیٹی تشکیل

وزارت خزانہ نے سیکیورٹیز اینڈ ایکسچینج کمیشن آف پاکستان (ایس ای سی پی ) کے کمشنرز کے عہدے کے لیے شارٹ لسٹڈ امیدواروں کے انٹرویوز لینے کے لیے انتخابی کمیٹی کو دوبارہ تشکیل دے دیا ہے۔

اس سلسلے میں فنانس ڈویژن نے آفس آرڈر جاری کردیا ہے ۔

وزارت خزانہ کے مطابق سلیکشن کمیٹی کی سربراہی وزیر مملکت برائے خزانہ و محصولات (کمیٹی کے چیئرمین) کریں گے۔

سلیکشن کمیٹی امیدواروں کا جائزہ لے گی اور ایس ای سی پی ایکٹ 1997 کے سیکشن 5 کے تحت کمشنرز ایس ای سی پی کی خالی اسامیوں پر تقرری کے لئے وفاقی حکومت کی منظوری کے لئے کم از کم تین امیدواروں کا پینل تجویز کرے گی۔

انویسٹمنٹ ونگ، فنانس ڈویژن کمیٹی کے سیکریٹریٹ کے طور پر کام کرے گا۔ دفتری حکم نامے میں مزید کہا گیا ہے کہ یہ معاملہ وزیر خزانہ کی منظوری سے جاری کیا گیا ہے۔

کاپی رائٹ بزنس ریکارڈر، 2024