غیر منقولہ جائیدادوں کیلئے کوئی ہولڈنگ مدت نہیں ہے، ایف بی آر

فنانس ایکٹ 2024 کے ذریعے یکم جولائی 2024 یا اس کے بعد حاصل کی گئی غیر منقولہ جائیدادوں کے لئے ہولڈنگ مدت کے تصور کو ختم کردیا گیا ہے۔

فیڈرل بورڈ آف ریونیو (ایف بی آر) کی جانب سے جاری کردہ انکم ٹیکس سرکلر کے مطابق سیکشن 37 کی ذیلی شق (1 اے) کے مطابق پاکستان میں واقع غیر منقولہ جائیداد کی فروخت سے حاصل ہونے والا منافع ٹیکس سال میں کسی شخص سے پہلے شیڈول میں متعین کردہ نرخوں پر کیپٹل گین ہیڈ کے تحت ٹیکس وصول کیا جائے گا۔

فنانس ایکٹ 2024 ء سے قبل اوپن پلاٹس، تعمیر شدہ جائیدادوں اور فلیٹس کے لیے ہولڈنگ مدت ایک سال سے کم ہونے پر زیادہ سے زیادہ 15 فیصد کی شرح سے نفع پر ٹیکس عائد کیا جاتا تھا۔

ہولڈنگ کی مدت چھ سال سے زیادہ تھی، تعمیر شدہ جائیدادوں کے لئے 0 فیصد جہاں ہولڈنگ کی مدت چار سال سے زیادہ تھی اور 0 فیصد فلیٹس کے لئے جہاں ہولڈنگ کی مدت دو سال سے زیادہ تھی۔

فنانس ایکٹ 2024 کے ذریعے یکم جولائی 2024 کو یا اس کے بعد حاصل کی گئی جائیدادوں کے لئے ہولڈنگ مدت کے تصور کو ختم کردیا گیا ہے۔ یکم جولائی 2024 کو یا اس کے بعد حاصل کی گئی جائیدادوں کی فروخت سے حاصل ہونے والے منافع پر جائیداد فروخت کی تاریخ پر اے ٹی ایل پر آنے والے افراد کے لئے 15 فیصد کی شرح سے اور جائیداد کے تصفیے کی تاریخ پر فعال ٹیکس دہندگان کی فہرست (اے ٹی ایل) میں شامل نہ ہونے والے افراد اور اے او پیز کے لئے پہلے شیڈول کے حصہ اول کے ڈویژن 1 میں بیان کردہ شرح پر ٹیکس عائد کیا جائے گا۔ جائیداد کے تصفیے کی تاریخ کو اے ٹی ایل پرموجود نہ ہونے والی کمپنیوں کے لئے پہلے شیڈول کے حصے کے ڈویژن دوم میں بیان کیا گیا ہے۔

تاہم، افراد اور ایسوسی ایشن آف پرسنز (اے او پیز) کے لئے یہ شرح کسی بھی صورت میں 15 فیصد سے کم نہیں ہوگی۔

30 جون 2024 کو یا اس سے پہلے حاصل کی گئی جائیدادوں کے لئے فنانس ایکٹ 2024 سے پہلے موجود قانون کا اطلاق جاری رہے گا، یعنی ایسی جائیدادوں کی فروخت پر حاصل ہونے والے منافع پر اسی وقت ہولڈنگ مدت کی بنیاد پر ٹیکس عائد کیا جائے گا۔ جیسا کہ فنانس ایکٹ، 2024 سے پہلے موجود تھا۔

کاپی رائٹ بزنس ریکارڈر، 2024