وزیر اعظم شہباز شریف، بحرینی بادشاہ میں ٹیلی فونک رابطہ، دو طرفہ تعلقات مزید مضبوط کرنے کے عزم کا اعادہ

وزیر اعظم شہباز شریف اور بحرین کے بادشاہ حمد بن عیسیٰ الخلیفہ نے اتوار کو ٹیلیفونک رابطہ کیا اور عید الاضحی کے موقع پر مبارکباد اور تہنہیتی پیغامات کا تبادلہ کیا اور پاکستان اور بحرین کے درمیان مشترکہ اقدار اور ثقافتی وابستگیوں پر استوار مضبوط تاریخی تعلقات کو سراہا۔

وزیراعظم نے گزشتہ برسوں میں مختلف شعبوں میں بحرین کی حمایت اور تعاون کو سراہا۔ پی ایم آفس میڈیا ونگ نے ایک پریس ریلیز میں کہا کہ خاص طور پر انہوں نے شاہ حمد بن عیسیٰ الخلیفہ کا پاکستان کیلئے ان کے احترام اور محبت پر شکریہ ادا کیا۔

پریس ریلیز میں مزید کہا گیا ہے کہ دونوں رہنماؤں نے دو طرفہ تعلقات کو مزید مضبوط بنانے، اقتصادی تعاون کو بڑھانے اور علاقائی امن و سلامتی کو فروغ دینے کے لیے مل کر کام کرنے کے لیے دونوں ممالک کے عزم کا اعادہ کیا۔

2014 میں شاہ حماد کے پاکستان کے تاریخی دورے کو یاد کرتے ہوئے وزیر اعظم نے بحرین کے بادشاہ کو جلد از جلد پاکستان کا سرکاری دورہ کرنے کے لیے اپنی پر خلوص دعوت کا اعادہ کیا۔

یہ ٹیلی فون کال پاکستان اور بحرین کے درمیان گرمجوش اور دوستانہ تعلقات کی عکاسی کرتی ہے اور ان کے برادرانہ تعلقات کو مزید گہرا کرنے کی مشترکہ خواہش کا اظہار کرتی ہے۔