وزارتوں کی مشاورتی معانت، کنسلٹنگ فرمز کی خدمات کیلئے کابینہ سے منظوری لی جائیگی

وزارت منصوبہ بندی، ترقی اور خصوصی اقدامات نے مشاورتی فرموں کی خدمات حاصل کرنے کے لیے وفاقی کابینہ سے منظوری لینے کا فیصلہ کیا ہے تاکہ وفاقی وزارتوں کو مشاورتی معاونت فراہم کی جاسکے۔

ذرائع نے بتایا کہ وزیر اعظم نے حال ہی میں وفاقی وزارتوں میں ٹیلنٹ کو بڑھانے کے حوالے سے ایک اجلاس کی صدارت کی اور پبلک پرائیویٹ پارٹنرشپ اتھارٹی (P3A) کوہدایت کی کہ اعلیٰ درجہ کی کنسلٹنسی فرموں کے ایک پول کا انتخاب کیا جائے تاکہ وہ وفاقی حکومت کے لیے دستیاب ہوں۔

اس کے بعد، اسپیشل انویسٹمنٹ فیسیلیٹیشن کونسل(ایس آئی ایف سی) کی ایگزیکٹو کمیٹی کا ایک خصوصی اجلاس 18 اپریل 2024 کو وزارت منصوبہ بندی کی زیر صدارت ہوا، جس میں فیصلہ کیا گیا کہ اعلیٰ مشاورتی فرموں کو شامل کرنے کے لیے ایک خصوصی پروگرام شروع کیا جائے گا۔ (ایک خصوصی پروکیورمنٹ کے عمل کے ذریعے) اور ایسا P3A کے تحت کیا جائے گا۔

مذکورہ پروگرام،ایس آئی ایف سی کی ہدایات کے مطابق کام کرے گا؛ P3A پروگرام کے ذریعے اعلیٰ سطحی مشاورتی فرموں سے مشاورتی تعاون وفاقی حکومت کی کسی بھی وزارت کے ساتھ ساتھ بورڈ آف انوسٹمنٹ، ایس آئی ایف سی اور P3A کو دستیاب ہوگا۔ یہ پروگرام وفاقی حکومت کی طرف سے منظوری کی تاریخ سے پانچ سال کی مدت تک جاری رہے گا۔ مزید برآں،ایس آئی ایف سی ایگزیکٹو کمیٹی نے یہ بھی ہدایت کی کہ خریداری کے خصوصی عمل سے متعلق معاملہ کو PPRA اور وفاقی کابینہ کی منظوری کے لیے بھیجا جائے، جو انفرادی معاہدوں کے بجائے پورے پروگرام کے لیے دیا جائے گا۔

وزارت نے تجویز میں کہا کہ ایس آئی ایف سی ایگزیکٹو کمیٹی کی ہدایات کی تعمیل میں، یہ معاملہ ضروری کارروائی کے لیے PPRA کو بھیج دیا گیا تھا، تاہم، PPRA کی انتظامیہ (ڈائریکٹر جنرل اینڈ لیگل) نے رائے دی کہ اس معاملے کو ایس آئی ایف سی کے سامنے رکھا جا سکتا ہے ۔ وفاقی حکومت کو کہ یہ چھوٹ پبلک پروکیورمنٹ ریگولیٹری فریم ورک کے اطلاق سے اعلیٰ مشاورتی فرموں کی خدمات حاصل کرنے کے خصوصی پروگرام کے لیے دی جا سکتی ہے ۔

وزارت منصوبہ بندی نے مزید کہا کہ بعد ازاں خصوصی پروگرام سے متعلق معاملے پر ایس آئی ایف سی ایگزیکٹو کمیٹی نے 24 اپریل 2024 کو ہونے والے اپنے 9ویں اجلاس کے دوران غور کیا اور یہ فیصلہ کیا گیا کہ ایس آئی ایف سی قومی مفاد میں وفاقی حکومت کو سفارش کرے گا کہ PPRA آرڈیننس 2002 کے تحت قابل اطلاق قانونی فریم ورک سے ”ٹاپ کوالٹی کنسلٹنٹس کی خدمات حاصل کرنے“ کے 5 سالہ پروگرام کے لیے خصوصی خریداری کے عمل کے لیے چھوٹ دی جائے گی۔

وزارت نے فیصلہ کیا ہے کہ اعلیٰ مشاورتی فرموں کی شمولیت کے پروگرام کے لیے خصوصی پروکیورمنٹ کے عمل کے لیے کابینہ سے منظوری حاصل کرنے کے ساتھ ساتھ اس پروگرام کے تحت کنسلٹنگ فرموں کی خریداری کو PPRA آرڈیننس اور اس کے تحت قواعد و ضوابط کے عمل سے استثنیٰ دیا جائیگا۔ جیسا کہ ایس ائی ایف سی ایگزیکٹو کمیٹی نے 24 اپریل 2024 کو اپنے اجلاس میں سفارش کی تھی۔

کاپی رائٹ بزنس ریکارڈر، 2024