امریکی فوج نے ہفتے کے روز کہا ہے کہ اس نے ایرانی پاسدارانِ انقلاب سے منسلک تین تیل بردار بحری جہازوں کو حملہ کرکے تباہ کردیا ہے۔ یہ کارروائی ایرانی فوجی تنظیم کی جانب سے امریکی جنگی بحری جہازوں پر فائرنگ کے بعد کی گئی۔
امریکی سینٹرل کمانڈ (سینٹکام) نے ایکس پر جاری بیان میں کہا، ’’ایران کے ناکام حملوں کے بعد سینٹکام نے جزیرۂ خارگ کے ساحل کے قریب پاسدارانِ انقلاب کے خام تیل بردار بحری جہاز ’ایم ٹی ڈاؤنی‘ اور جاسک کے قریب ’ایم ٹی اسٹارک 1‘ کو مستقل طور پر ناکارہ بنا دیا۔‘‘
بیان کے مطابق ’’امریکی فورسز نے خلیجِ عمان میں خالی خام تیل بردار بحری جہاز ’ایم ٹی کائلو‘ کو بھی مکمل طور پر تباہ کردیا۔ جہاز کے عملے کو اسے چھوڑنے کی ہدایت کیے جانے کے بعد امریکی فورسز نے جہاز کے متعدد اہم حصوں کو نشانہ بنایا، جس کے نتیجے میں وہ دوبارہ چلنے کے قابل نہیں رہا۔‘‘
Comments