منظور شدہ پنشن فنڈ مینیجرز کی فہرست جاری کر دی گئی

وفاقی حکومت نے ڈیفائنڈ کنٹری بیوشن پنشن فنڈ اسکیم-2024 کے نفاذ کے لیے 16 اہل پنشن فنڈ مینیجرز (پی ایف ایمز) کا اعلان کر دیا ہے، جو نئے بھرتی ہونے والے وفاقی ملازمین کے لیے پاکستان کے شراکتی پنشن نظام کو فعال بنانے کی جانب ایک اہم قدم ہے۔

وزارت خزانہ کی جانب سے جاری کردہ نوٹیفکیشن کے مطابق، منظور شدہ پنشن فنڈ مینیجرز نے وفاقی حکومت کے ساتھ باضابطہ معاہدے مکمل کر لیے ہیں، جس کے بعد وہ ڈیفائنڈ کنٹری بیوشن پنشن فنڈ اسکیم-2024 کے تحت پنشن کی شراکتیں منظم کرنے کے اہل ہو گئے ہیں۔

وزارت خزانہ کے متعلقہ ڈویژن نے ہدایت کی ہے کہ منظور شدہ پنشن فنڈ مینیجرز کی فہرست اپنی سرکاری ویب سائٹ پر جاری کی جائے۔

منظور شدہ پنشن فنڈ مینیجرز میں شامل ہیں:اے بی ایل ایسٹ مینجمنٹ کمپنی لمیٹڈ، الحبیب ایسٹ مینجمنٹ لمیٹڈ،المیزان انویسٹمنٹ مینجمنٹ لمیٹڈ ،اٹلس ایسٹ مینجمنٹ لمیٹڈ، فیصل ایسٹ مینجمنٹ لمیٹڈ، جے ایس انویسٹمنٹس لمیٹڈ، لکی انویسٹمنٹس لمیٹڈ ، ایم سی بی انویسٹمنٹ مینجمنٹ لمیٹڈ،نیشنل انویسٹمنٹ ٹرسٹ لمیٹڈ، ای ایف یو لائف اشورنس لمیٹڈ، الفلاح ایسٹ مینجمنٹ لمیٹڈ، ایچ بی ایل ایسٹ مینجمنٹ کمپنی لمیٹڈ، یو بی ایل فنڈ مینیجرز لمیٹڈ، این بی پی فنڈ مینجمنٹ لمیٹڈ،پاک قطر فیملی تکافل لمیٹڈ، اے ڈبلیو ٹی انویسٹمنٹس لمیٹڈ۔

کاپی رائٹ بزنس ریکارڈر، 2026