جنگ کی وجہ سے ملنے والی جبری رخصت کے بعد ایران کی ترکیہ میں فٹنس پر توجہ

ایران کے کوچ امیر قلعہ نوئی کا کہنا ہے کہ گزشتہ سات ہفتوں سے کھلاڑیوں کے میدان سے دور رہنے کی وجہ سے ترکیہ کا تربیتی کیمپ ان کے لیے ایک کڑا امتحان ہے۔

فروری میں امریکہ اور اسرائیل کے فضائی حملوں کے بعد ایران کی مقامی پرو لیگ معطل کر دی گئی تھی، جس کے باعث 30 رکنی اسکواڈ میں شامل 22 مقامی کھلاڑی تہران کے کیمپ تک محدود رہے۔

کوچ نے اعتراف کیا کہ وہ کھلاڑیوں کی فٹنس سے پوری طرح مطمئن نہیں، تاہم 3 ہفتوں کے کیمپ سے 25 فیصد تک کمی پوری کی جا سکتی ہے۔ ایران 29 مئی کو گیمبیا کے خلاف دوستانہ میچ کھیلے گا، جس کے بعد یکم جون کی فیفا ڈیڈ لائن تک حتمی 26 رکنی اسکواڈ کا اعلان ہوگا۔ ایرانی فیڈریشن کو امریکہ میں پورٹو ریکو کے خلاف بھی ایک میچ کی امید ہے۔ ورلڈ کپ میں ایران کا مقابلہ 15 جون کو نیوزی لینڈ، 21 جون کو بیلجیم اور پھر مصر سے ہوگا۔