فن ایلن کی طوفانی واپسی : آئی پی ایل میں کولکتہ نائٹ رائیڈرز کی پلے آف امیدیں زندہ، دباؤ کا خاتمہ کامیابی کی کلید قرار

نیوزی لینڈ کے بیٹر فن ایلن کا کہنا ہے کہ خود پر مسلط کردہ غیر ضروری دباؤ ختم کرنے اور بیٹنگ کا لطف اٹھانے سے انہیں فارم بحال کرنے میں مدد ملی۔ ان کی 35 گیندوں پر 93 رنز کی طوفانی اننگز (10 چھکے، 4 چوکے) کی بدولت کولکتہ نائٹ رائیڈرز نے گجرات ٹائٹنز کو 29 رنز سے ہرا کر آئی پی ایل پلے آف کی امیدیں زندہ رکھیں۔

کولکتہ کے 248 رنز کے پہاڑ جیسے ہدف کے تعاقب میں گجرات 218 رنز بنا سکی۔ ابتدائی میچوں میں ناکامی کے بعد ڈراپ ہونے والے کیوی بیٹر نے واپسی پر شاندار سینچری بھی اسکور کی تھی۔

صحافیوں سے گفتگو کرتے ہوئے فن ایلن نے کہا کہ ٹورنامنٹ کے آغاز میں میں پرفارم کرنے کے لیے خود پر حد سے زیادہ دباؤ ڈال کر اپنے ہی خول میں بند ہو گیا تھا، جو سراسر میری اپنی غلطی تھی۔ چند میچوں کا آرام میرے لیے مفید ثابت ہوا کیونکہ اب میں پرسکون ہو کر اور کھیل کا مزہ لے کر ایک بہتر کرکٹر بن چکا ہوں۔

کولکتہ 11 پوائنٹس کے ساتھ ساتویں نمبر پر ہے اور ٹاپ فور کی دوڑ میں شامل رہنے کے لیے بدھ کو ممبئی انڈینز کا سامنا کرے گی۔