ابھی مائیکرو فنانس بینک کی مالی سہولتوں کی فراہمی کیلئے دستک لاجسٹکس کے ساتھ اسٹریٹجک شراکت داری

ابھی مائیکروفنانس بینک نے چھوٹے اور درمیانے درجے کے کاروبارکو مالی سہولیات کی فراہمی کیلئے دستک لاجسٹکس کے ساتھ اسٹریٹجک شراکت داری کرلی ہے۔

اس تعاون کا مقصد کم سرمائے سے چلنے والے کاروباروں کو ورکنگ کیپٹل اور کاروباری فنانسنگ تک آسان رسائی فراہم کرنا ہے تاکہ وہ اپنی روزمرہ مالی ضروریات بہتر انداز میں پوری کرسکیں۔

اس حوالے سے منعقدہ تقریب میں ابھی مائیکروفنانس بینک اور دستک لاجسٹکس کے نمائندوں نے معاہدے پر دستخط کیے۔

معاہدے کے تحت دستک لاجسٹکس سے منسلک مرچنٹس کو ابھی مائیکروفنانس بینک کی جانب سے مالی سہولیات فراہم کی جائیں گی، جس سے انہیں کیش فلو مینجمنٹ، اسٹاک کی خریداری، کاروباری توسیع اور دیگر ضروریات پوری کرنے میں مدد ملے گی۔

اداروں کے نمائندوں کا کہنا تھا کہ یہ شراکت داری پاکستان میں مالی شمولیت کے فروغ، کاروباری سرگرمیوں میں اضافے اور ایس ایم ای سیکٹر میں ڈیجیٹل تبدیلی کو تیز کرنے میں معاون ثابت ہوگی۔ ان کے مطابق یہ تعاون ملک بھر میں طویل المدتی کاروباری ترقی کے لیے مضبوط بنیاد فراہم کرے گا۔

کاپی رائٹ بزنس ریکارڈر 2026