ڈالر کے مقابلے روپے کی قدر میں معمولی بہتری

انٹربینک مارکیٹ میں بدھ کو ڈالر کے مقابلے روپے کی قدر میں اضافہ ریکارڈ کیا گیا۔

کاروبار کے اختتام پر ڈالر کے مقابلے میں روپیہ ایک پیسے کی بہتری سے 279.21 روپے پر بند ہوا۔

یاد رہے کہ منگل کو روپیہ 279.22 پر بند ہوا تھا۔

بین الاقوامی سطح پر بدھ کو ایشیائی تجارت کے آغاز میں کرنسی مارکیٹوں میں تھکاوٹ کے آثار نظر آئے جہاں تاجر امریکی صدر ٹرمپ کی جانب سے ایران کے ساتھ جنگ ختم کرنے کی کوششوں کے پیشِ نظر محتاط رویہ اختیار کیے ہوئے ہیں۔

یورو کی قدر میں 0.1 فیصد اضافہ ہوا اور یہ 1.1619 ڈالر پر پہنچ گیا۔

برطانوی پاؤنڈ بھی 0.1 فیصد اضافے کے ساتھ 1.3428 ڈالر پر رہا جبکہ نیوزی لینڈ ڈالر 0.5834 ڈالر کی سطح پر برقرار رہا۔

جاپانی ین کے مقابلے میں امریکی ڈالر 158.645 ین پر مستحکم رہا جس کی وجہ بینک آف جاپان کے جنوری کے پالیسی اجلاس کے منٹس کا اجرا تھا جس میں بورڈ کے متعدد ارکان نے کسی خاص رفتار کو ذہن میں رکھے بغیر شرحِ سود میں اضافے کو برقرار رکھنے کی ضرورت پر زور دیا۔