BR100 Increased By (0.01%)
BR30 Increased By (0.53%)
KSE100 Increased By (0.28%)
KSE30 Increased By (0.29%)
BAFL 59.77 Increased By ▲ 0.06 (0.1%)
BIPL 24.26 Decreased By ▼ -0.05 (-0.21%)
BOP 31.39 Increased By ▲ 0.16 (0.51%)
CNERGY 11.73 Increased By ▲ 0.14 (1.21%)
DFML 15.69 Decreased By ▼ -0.04 (-0.25%)
DGKC 204.07 Decreased By ▼ -2.30 (-1.11%)
FABL 96.02 Increased By ▲ 0.03 (0.03%)
FCCL 61.71 Increased By ▲ 0.17 (0.28%)
FFL 14.79 Decreased By ▼ -0.23 (-1.53%)
GGL 19.68 Decreased By ▼ -0.01 (-0.05%)
HBL 309.43 Decreased By ▼ -1.22 (-0.39%)
HUBC 204.20 Decreased By ▼ -1.13 (-0.55%)
HUMNL 8.72 Increased By ▲ 0.13 (1.51%)
KEL 6.32 Increased By ▲ 0.06 (0.96%)
LOTCHEM 24.69 Increased By ▲ 0.01 (0.04%)
MLCF 103.93 Decreased By ▼ -0.15 (-0.14%)
OGDC 315.87 Increased By ▲ 2.48 (0.79%)
PAEL 35.58 Decreased By ▼ -0.22 (-0.61%)
PIBTL 13.66 Increased By ▲ 0.19 (1.41%)
PIOC 271.12 Increased By ▲ 0.61 (0.23%)
PPL 226.07 Increased By ▲ 4.26 (1.92%)
PRL 80.28 Increased By ▲ 1.20 (1.52%)
SNGP 93.95 Increased By ▲ 0.27 (0.29%)
SSGC 23.82 Decreased By ▼ -0.05 (-0.21%)
TELE 7.55 Increased By ▲ 0.16 (2.17%)
TPLP 12.99 Increased By ▲ 0.48 (3.84%)
TRG 53.33 Decreased By ▼ -0.11 (-0.21%)
UNITY 8.39 Increased By ▲ 0.05 (0.6%)
WTL 1.38 Increased By ▲ 0.13 (10.4%)
دنیا

ڈرون حملے کے بعد دبئی ایئرپورٹ پر پروازوں کا سلسلہ جزوی بحال، سیکیورٹی خدشات نمایاں

  • پیر کے واقعے نے متحدہ عرب امارات کی ایئرلائنز اور ہوا بازی کی صنعت کے لیے فلائٹ آپریشنز معمول پر لانے کی راہ میں درپیش چیلنجز کو واضح کر دیا
شائع اپ ڈیٹ

حکام کا کہنا ہے کہ ڈرون حملے کے باعث لگنے والی آگ کی وجہ سے پروازوں کی عارضی معطلی کے بعد دبئی کے بین الاقوامی ہوائی اڈے پر پیر کو پروازوں کا سلسلہ بتدریج بحال کیا جا رہا ہے۔ اس حملے نے دنیا کے مصروف ترین فضائی مراکز میں سے ایک میں ٹریفک کے نظام کو مزید درہم برہم کر دیا ہے۔

ایران کے خلاف امریکہ اور اسرائیل کی جنگ نے عالمی ہوائی بازی کے شعبے کو بحران میں مبتلا کر دیا ہے، جس کے نتیجے میں پروازیں منسوخ، ری شیڈول اور ان کے راستے تبدیل کیے جا رہے ہیں۔ میزائل اور ڈرون حملوں کے خوف سے مشرق وسطیٰ کی زیادہ تر فضائی حدود بند ہیں، جبکہ اس صورتحال نے ایندھن کی قیمتوں کو بھی آسمان پر پہنچا دیا ہے۔ پیر کے واقعے نے متحدہ عرب امارات کی ایئر لائنز اور ہوا بازی کی صنعت کے لیے اپنی استعداد کار بڑھانے اور آپریشنز کو معمول پر لانے کی کوششوں میں درپیش چیلنجز کو واضح کر دیا ہے۔

28 فروری کو خلیجی ممالک پر ایرانی حملوں کے آغاز کے بعد سے دبئی انٹرنیشنل ایئرپورٹ پر یہ تیسرا حملہ ہے۔ تہران کا کہنا ہے کہ ان حملوں کا مقصد خطے میں امریکی موجودگی کو نشانہ بنانا ہے۔ اگرچہ متحدہ عرب امارات اور دیگر خلیجی ممالک امریکی فوجی تنصیبات کی میزبانی کرتے ہیں، تاہم ایران نے ہوائی اڈوں، ہوٹلوں اور بندرگاہوں جیسی سویلین تنصیبات کو نشانہ بنانے کے لیے میزائلوں اور ڈرونز کا استعمال کیا ہے۔

دبئی میڈیا آفس کے مطابق سول ایوی ایشن اتھارٹی نے ایکس (ٹویٹر) پر ایک بیان میں مخصوص مقامات کے لیے پروازوں کی بتدریج بحالی کا اشارہ دیا ہے۔ ایمریٹس ایئر لائن نے کہا ہے کہ وہ حملے کے بعد گرینج ٹائم کے مطابق صبح 6 بجے آپریشن جزوی طور پر شروع کرنے کی توقع رکھتی ہے۔ اس حملے میں ہوائی اڈے کے قریب ایک فیول ٹینک متاثر ہوا تھا، تاہم کوئی جانی نقصان نہیں ہوا۔ ایمریٹس اور اس کی پارٹنر ایئر لائن فلائی دبئی نے کچھ پروازیں منسوخ اور عارضی طور پر معطل کیں، جبکہ کچھ پروازوں کا رخ المکتوم انٹرنیشنل ایئرپورٹ کی طرف موڑ دیا گیا۔

28 فروری سے اب تک خلیجی عرب ممالک کو 2,000 سے زائد میزائل اور ڈرون حملوں کا سامنا کرنا پڑا ہے، جن میں امریکی سفارتی مشنز اور فوجی اڈوں کے علاوہ تیل کی اہم تنصیبات، گھروں اور دفاتر کو بھی نشانہ بنایا گیا ہے۔ متحدہ عرب امارات جس نے 2020 میں ایران کے حریف اسرائیل کے ساتھ تعلقات استوار کیے تھے، ان حملوں کا سب سے زیادہ نشانہ بنا ہے، تاہم تمام خلیجی عرب ریاستیں متاثر ہوئی ہیں اور ان سب نے ایران کی مذمت کی ہے۔ اس سے قبل 11 مارچ کو بھی دو ڈرونز بین الاقوامی ہوائی اڈے کے قریب گرے تھے، جبکہ تنازع کے پہلے دن بھی ایرانی حملے میں ایئرپورٹ کو نقصان پہنچا تھا۔

Comments

Comments are closed.