زرمبادلہ ذخائر میں 1 کروڑ 30 لاکھ ڈالر کا اضافہ، 16.10 ارب ڈالر تک پہنچ گئے

اسٹیٹ بینک آف پاکستان (ایس بی پی) کی جانب سے جمعرات کو جاری اعداد و شمار کے مطابق 23 جنوری 2026 کو ختم ہونے والے ہفتے کے دوران مرکزی بینک کے زرمبادلہ کے ذخائر میں 1 کروڑ 30 لاکھ (13 ملین) ڈالر کا اضافہ ہوا، جس کے بعد ان کا حجم 16.10 ارب ڈالر تک پہنچ گیا ہے۔

ملک کے مجموعی مائع غیر ملکی زرمبادلہ کے ذخائر 23 جنوری تک 21.29 ارب ڈالر ریکارڈ کیے گئے۔

ذخائر کی صورتحال کی تفصیلات سے ظاہر ہوتا ہے کہ اسٹیٹ بینک کے پاس موجود زرمبادلہ کے ذخائر 16.10 ارب ڈالر رہے، جبکہ کمرشل بینکوں کے پاس موجود خالص غیر ملکی ذخائر کا حجم 5.19 ارب ڈالر درج کیا گیا۔

مرکزی بینک نے اپنے بیان میں کہا کہ 23 جنوری 2026 کو ختم ہونے والے ہفتے کے دوران اسٹیٹ بینک کے زرمبادلہ کے ذخائر 13 ملین ڈالر کے اضافے سے 16,101.1 ملین ڈالر ہو گئے۔