پاکستان میں ڈیجیٹل انقلاب: زونگ اور زیڈ ٹی ای کارپوریشن میں اشتراک

زونگ نے زیڈ ٹی ای کارپوریشن اور اس کے مجاز ڈسٹری بیوٹر، سیکوٹل کے ساتھ اپنی نوعیت کی پہلی شراکت داری کے لیے ایک مفاہمتی یادداشت (ایم او یو) پر دستخط کیے ہیں جس کا مقصد ملک بھر کے صارفین کے لیے اگلی نسل کی جدید ترین ڈیوائسز تک جامع رسائی کو وسعت دینا ہے۔

یہ مفاہمتی یادداشت ایک ایسی تزویراتی شراکت داری قائم کرتی ہے جس کے ذریعے مختلف طبقہ ہائے زندگی سے تعلق رکھنے والے صارفین کے لیے زونگ کے ڈیوائس پورٹ فولیو کو نمایاں طور پر وسعت دی جائے گی، جس میں خاص توجہ فائیو جی ٹیکنالوجی تک ہمہ گیر رسائی پر ہوگی۔

اس شراکت داری کے تحت، زیڈ ٹی ای ابتدائی سطح سے لے کر درمیانے اور اعلیٰ درجے کے اسمارٹ فونز کی ایک وسیع رینج متعارف کروائے گی جس میں خاص طور پر گیمنگ کے شوقین افراد اور نوجوانوں کے لیے ڈیزائن کردہ اعلیٰ کارکردگی والی ڈیوائسز بھی شامل ہوں گی۔

اسمارٹ فونز کو قوتِ خرید میں لانے اور ان کے استعمال کو فروغ دینے کے لیے اس شراکت داری کے تحت’ابھی خریدیں، بعد میں ادائیگی کریں جیسی اسکیمیں بھی متعارف کروائی جائیں گی جس سے صارفین لچکدار اقساط کے ذریعے جدید اسمارٹ فونز حاصل کر سکیں گے۔

تمام ڈیوائسز مارکیٹ کی مسابقتی قیمتوں پر فراہم کی جائیں گی جن کے ساتھ زونگ کے مخصوص پیکجز بشمول ویلیو ایڈڈ سروسز جیسے کہ گیمنگ، ای اسپورٹس، تفریح، اور ڈیٹا پر مبنی خصوصی پیشکشیں بھی شامل ہوں گے۔

اس موقع پر زونگ کے ہیڈ آف مارکیٹنگ، ساجد منیر نے کہا کہ یہ شراکت داری پاکستان کی ڈیجیٹل تبدیلی کی رفتار کو تیز کرنے کے لیے زونگ کی تزویراتی سمت میں ایک بڑا قدم ہے۔

کاپی رائٹ بزنس ریکارڈر 2026