پاکستان
اسلام آباد میں بلدیاتی انتخابات 15 فروری کو منعقد ہوں گے
- امیدوار اپنے کاغذاتِ نامزدگی 27 دسمبر تک جمع کرا سکیں گے
الیکشن کمیشن آف پاکستان نے منگل کو اسلام آباد میں بلدیاتی انتخابات کا شیڈول جاری کردیا۔
شیڈول کے مطابق بلدیاتی انتخابات 15 فروری کو منعقد ہوں گے۔ امیدوار اپنے کاغذاتِ نامزدگی 22 سے 27 دسمبر تک جمع کرا سکیں گے۔
جمع کرائے گئے کاغذات کی جانچ پڑتال 3 جنوری تک ہوگی جب کہ 13 جنوری تک کاغذاتِ نامزدگی پر اپیلوں کے فیصلے نمٹائے جائیں گے۔
الیکشن کمیشن کا کہنا ہے کہ امیدواروں کو انتخابی نشانات 16 جنوری کو الاٹ کیے جائیں گے جب کہ 19 فروری تک بلدیاتی انتخابات کے نتائج جاری کردیے جائیں گے۔
یاد رہے کہ ای سی پی نے 18 نومبر کو وفاقی دارالحکومت میں بلدیاتی انتخابات کرانے کا اعلان کیا تھا۔
Comments