ڈالر کے مقابلے روپے کی قدر میں 4 پیسے کی بہتری
- انٹربینک مارکیٹ میں ڈالر 280.47 روپے پر بند
انٹربینک مارکیٹ میں منگل کو بھی ڈالر کے مقابلے روپے کی قدر میں اضافے کا سلسلہ جاری رہا۔
کاروبار کے اختتام پر ڈالر کے مقابلے روپیہ 4 پیسے کی بہتری سے 280.47 روپے پر بند ہوا۔
یاد رہے کہ پیر کو پیر کو مقامی کرنسی 280.51 پر بند ہوئی تھی۔
بین الاقوامی سطح پر منگل کو امریکی ڈالر دباؤ میں رہا کیونکہ دنیا کی سب سے بڑی معیشت سے توقع سے کمزور مینوفیکچرنگ ڈیٹا سامنے آنے کے بعد فیڈرل ریزرو پر اس ماہ کے آخر میں ہونے والے پالیسی اجلاس میں شرح سود میں کمی کے لیے دباؤ بڑھ گیا ہے۔
امریکی ڈالر انڈیکس ایشیائی سیشن کے آغاز پر کم ہو کر 99.408 پر آگیا۔ پیر کو امریکی مارکیٹ کے دوران اسٹاکس اور بانڈز کی کمی کے بعد یہ مسلسل ساتویں سیشن کے لیے گر کر دو ہفتوں کی نچلی سطح تک پہنچ چکا تھا۔
پیر کو جاری کیے گئے اعدادوشمار سے ظاہر ہوا کہ امریکی مینوفیکچرنگ نومبر میں مسلسل نویں ماہ سکڑ گئیں کیونکہ انسٹی ٹیوٹ فار سپلائی مینجمنٹ (آئی ایس ایم) کا مینوفیکچرنگ پی ایم آئی نومبر میں 48.2 پر آ گیا جو پچھلے مہینے کے 48.7 سے کم ہے۔
نئے آرڈرز اور ملازمت کے اشارے بھی خراب ہوئے جب کہ امپورٹ ٹیرف کی وجہ سے دباؤ کے باعث ان پٹ پرائسز میں اضافہ دیکھا گیا۔
سی ایم ای گروپ کے فیڈواچ ٹول کے مطابق فیڈ فنڈز فیوچرز میں امریکی مرکزی بینک کے 10 دسمبر کے اجلاس میں 25 بیسس پوائنٹس کمی کے امکان کو 88 فیصد ظاہر کیا گیا ہے جو ایک ماہ قبل 63 فیصد تھا۔
Comments
Comments are closed.