ن لیگی سینیٹر عرفان صدیقی شدید علیل، وینٹی لیٹر پر منتقل
- ہوسکتا ہے عرفان صدیقی 27 وین آئینی ترمیم میں ووٹ نہ ڈال سکیں، حکومتی تعداد پوری ہے، ذرائع
پاکستان مسلم لیگ (ن) کے سینیٹر عرفان صدیقی کی طبیعت انتہائی ناساز بتائی جارہی ہے۔ خاندانی ذرائع کے مطابق انہیں وینٹی لیٹر پر منتقل کر دیا گیا ہے۔
آج نیوز نے ان کے خاندانی ذرائع کے حوالے سے کہا کہ سینیٹر عرفان صدیقی گزشتہ چند روز سے علیل ہیں تاہم ان کی طبیعت اچانک بگڑنے پر انہیں اسپتال منتقل کیا گیا جہاں ڈاکٹروں نے انہیں وینٹی لیٹر پر رکھنے کا فیصلہ کیا۔
حکومتی ذرائع نے کہا کہ 27 ویں آئینی ترمیم منظوری کے لیے پیر کو ایوان میں پیش ہونے جارہی ہے، تاہم حکومتی بینچ سے سینیٹر عرفان صدیقی کی طبیعت ناساز ہے۔
انہوں نے کہا کہ انہیں آکسیجن لگی ہوئی ہے، ہوسکتا ہے ووٹ نہ ڈال سکیں، حکومت کے 64 اراکین کی تعداد موجود ہے اور ثابت کریں گے کہ دو تہائی اکثریت ہے۔
پارٹی رہنماؤں نے سینیٹر عرفان صدیقی کی جلد صحتیابی کے لیے دعاؤں کی اپیل کی ہے۔
وفاقی وزیر پارلیمانی امور ڈاکٹر طارق فضل چودھری نے اپنے سماجی رابطے کی ویب سائٹ ایکس پر کہا کہ سینئر سیاستدان اور پاکستان مسلم لیگ (ن) کے اہم رہنما سینیٹر عرفان صدیقی انتہائی نازک حالت میں ہیں۔
شدید بیماری کے بعد انہیں وینٹی لیٹر پر رکھا گیا ہے۔ اللہ تعالیٰ انہیں مکمل صحت عطا فرمائے۔
Comments
Comments are closed.