سربیا کی فٹبال ٹیم کے ہیڈ کوچ دورانِ میچ دل کا دورہ پڑنے سے انتقال کرگئے۔
آج نیوز کے مطابق 44 سالہ لیڈن زیزوک اپنی ٹیم کی رہنمائی کر رہے تھے جب اچانک انہیں دل کا شدید دورہ پڑا جو جان لیوا ثابت ہوا۔
عینی شاہدین کے مطابق میچ کے دوران زیزوک کی طبیعت اچانک بگڑ گئی اور وہ زمین پر گر پڑے۔ فوری طبی امداد کی کوششیں کی گئیں تاہم وہ جانبر نہ ہو سکے۔
ریفری نے میچ روک کر کھلاڑیوں اور شائقین کو کوچ کے انتقال کی اطلاع دی، جس کے بعد دونوں ٹیموں کے کھلاڑی سکتے میں آگئے اور میدان میں غم کی فضا چھا گئی۔
کوچ کے انتقال کی خبر کھلاڑیوں تک پہنچی تو کھیل کو پہلے ہاف کے اختتام سے قبل ہی منسوخ کر دیا گیا۔
فٹبال حکام اور کھلاڑیوں نے لیڈن زیزوک کے انتقال پر گہرے دکھ اور افسوس کا اظہار کیا ہے۔
Comments
Comments are closed.