کراچی میں پلاسٹک، پرنٹنگ اور پیکیجنگ کی سب سے بڑی عالمی نمائش کا آغاز، 30 سے زائد ممالک کی شرکت

پاکستان مں پلاسٹک، پرنٹنگ اور پجنگک انڈسٹری کی سب سے بڑی نمائش تھری پی پلاس پرنٹ پیک پاکستان کا کراچی ایکسپو سینٹر میں آغاز ہوگیا۔

یہ نمائش فیکٹ ایگزیبیشنز (پرائیویٹ ) لمیٹڈ کے زیر اہتمام منعقد کی گئی جس کا افتتاح سکریٹری وزارت صنعت حکومتِ سندھ محمد یاسین شار نے کیا۔

رواں سال نمائش کا بنیادی فوکس جدت، پائیداری، پلاسٹک کے ذمہ دارانہ استعمال اور سرکلر اکانومی کے فروغ پر ہے تاکہ موسمیاتی تبدیلی اور ماحولیاتی چلنجز سے بہتر انداز مںت نمٹا جاسکے۔

افتتاحی تقریب میں یاسین شار نے فیکٹ ایگزیبیشنز کی تعریف کی کہ اس نے عالمی صنعت کے رہنماؤں کو ایک ہی چھت کے نیچے جمع کیا۔

انہوں نے کہا کہ یہ نمائش جدید مشینری اور ٹیکنالوجیز کو اجاگر کرتی ہے، اس موقع پر انہوں نے پلاسٹک کے ذمہ دارانہ استعمال، پائیدار پیکیجنگ اور موسمی تبدیلی اور ماحولیاتی چیلنجز سے نمٹنے کے لیے جدت کی اہمیت پر بھی زور دیا۔

اس موقع پر سلمان خان تنولی نے کہا کہ نمائش صنعت کیلئے ایک منفرد پلیٹ فارم ہے جہاں سکھنے، تعلقات استوار کرنے کے شاندار مواقع ملتے ہیں۔

انہوں نے کہا کہ یہ ایونٹ کمپنیوں کو ماحول دوست پالیسیوں، سرکلر اکانومی ماڈلز اور کلائمٹ اسمارٹ سلوشنز کو اپنانے کی ترغیب دیتا ہے تاکہ کاروبار ترقی کرے اور پائیداری اس کا مرکزی جزو بنے۔

نمائش میں 30 سے زائد ممالک کی 550 سے زیادہ نمایاں کمپنیاں شرکت کررہی ہیں جو جدید مشینری، جدید ٹیکنالوجیز اور صنعت کو نئے سرے سے تشکیل دینے والے اختراعی حل پیش کرینگی۔