نیشنل فوڈز کی دبئی ذیلی کمپنی کی تنظیمِ نو، اے ون بیگز اینڈ سپلائز میں حصص کی فروخت کا اعلان

نیشنل فوڈز لمیٹڈ (این اے ٹی ایف) نے اعلان کیا ہے کہ اس کی دبئی میں قائم ذیلی کمپنی نیشنل فوڈز دبئی ملٹی کمیوڈیٹیز سینٹر (این ایف ڈی ایم سی سی ) کی تنظیمِ نو کی جائے گی، جس کے تحت کینیڈا کی نیشنل ایپیکیور اِنکارپوریٹڈ کے ذریعے رکھی گئی اے ون بیگز اینڈ سپلائز میں حصص کی فروخت بھی شامل ہے۔

لسٹڈ کمپنی نے یہ معلومات بدھ کو پاکستان اسٹاک ایکسچینج کو جاری کردہ نوٹس میں فراہم کیں۔

نوٹس میں کہا گیا کہ این ایف ڈی ایم سی سی تنظیمِ نو کی منصوبہ بندی کررہی ہے اوراس کے نتیجے میں کینیڈا کی نیشنل ایپیکیور اِنکارپوریٹڈ کے ذریعے رکھی گئی اے ون بیگز اینڈ سپلائیز میں اپنی سرمایہ کاری فروخت کرے گی۔

مزید بتایا گیا کہ این اے ٹی ایف کے بورڈ آف ڈائریکٹرز نے 19 اگست 2025 کو ہونے والی میٹنگ میں مجوزہ تنظیمِ نو اور اس سے متعلقہ فروخت کی منظوری دی ہے، اور اس کے نتیجے میں پیدا ہونے والے معاہدوں کے نفاذ کی بھی اجازت دی گئی ہے۔

اس پیش رفت کے بعد نیشنل فوڈز کے شیئر کی قیمت پیر کے دن ابتدائی تجارت کے دوران 412 روپے پر بند ہوئی، جو 24.80 روپے یا 6.4 فیصد کے اضافے کے مترادف ہے۔

اس سے قبل فروری میں، نیشنل فوڈز ڈی ایم سی سی جو این اے ٹی ایف کی دبئی میں مکمل ملکیتی ذیلی کمپنی ہے، نے اپنے ذیلی ادارے نیشنل فوڈز (ایف زیڈ ای)، جو شارجہ، یو اے ای میں رجسٹرڈ تھا، کے بند ہونے کا اعلان کیا تھا۔

این اے ٹی ایف کو پاکستان میں 1971 میں ایک پرائیویٹ لمیٹڈ کمپنی کے طور پر قائم کیا گیا اور بعد میں اسے پبلک لمیٹڈ کمپنی میں تبدیل کر دیا گیا۔

کمپنی کی بنیادی سرگرمی سہولت پر مبنی غذائی مصنوعات کی تیاری اور فروخت ہے۔ اس کے پاس تقریباً 12 وسیع زمروں میں 250 متنوع مصنوعات کا پورٹ فولیو موجود ہے، اور اس کی عالمی موجودگی 5 براعظموں میں 40 ممالک تک پھیلی ہوئی ہے۔