دوسرا ٹی ٹوئنٹی: آسٹریلیا نے پاکستان کو جیت کیلئے 148 رنز کا ہدف دیدیا

فاسٹ بالر حارث رؤف کی عمدہ بولنگ کی بدولت پاکستان نے آسٹریلیا کو دوسرے ٹی ٹوئنٹی میچ میں 9 وکٹوں کے نقصان پر 147 رنز تک محدود رکھا۔

سڈنی میں کھیلے جارہے میچ میں پہلے بیٹنگ کرتے ہوئے آسٹریلیا نے مقررہ 20 اوورز میں 9 وکٹوں کے نقصان پر 147 رنز بنائے، آسٹریلوی اوپنرز نے جارحانہ کھیل کا مظاہرہ کیا اورابتدائی تین اوورز میں ہی اسکور 52 رنز تک پہنچا دیا تاہم مہمان ٹیم نے شاندار واپسی کی ، متھیو شارٹ 32 اور جیک فریزر میک گرک 29 رنز پر پویلین لوٹے جبکہ کپتان جوش انگس صفر پر ساتھ چھوڑ گئے۔

دیگر کھلاڑیوں میں گلین میکسویل 21، مارکس اسٹوئنس 14، ٹم ڈیوڈ 18، آرون ہارڈی 28، زیویئر بارٹلیٹ 5 رنز بناکر آؤٹ ہوئے۔

پاکستان کی جانب سے حارث رؤف نے 4، عباس آفریدی نے 3 جبکہ سفیان مقیم نے 2 کھلاڑیوں کو پویلین بھیجا۔

ہدف کے تعاقب میں پاکستانی ٹیم کا آغاز اچھا نہ رہا، اوپنر بابراعظم 3 جبکہ صاحبزادہ فرحان 5 رنز بناکر پویلین لوٹ گئے ۔

آسٹریلیا کی جانب سے زیویئر بارٹلیٹ اور اسپینسر جانسن نے ایک ایک وکٹ حاصل کی۔

واضح رہے کہ تین ٹی ٹونٹی میچوں کی سیریز کے دوسرے میچ میں آسٹریلیا کے کپتان جوش انگلس نے ٹاس جیت کر بیٹنگ کا فیصلہ کیا ہے۔

برسبین میں بارش سے متاثرہ میچ میں میزبان ٹیم کو 29 رنز سے شکست دے کر 1-0 کی برتری حاصل ہے۔

آسٹریلیا کی ٹیم میں ایک بار پھر کئی اہم کھلاڑی شامل نہیں ہیں جو آئندہ ہفتے بھارت کے خلاف شروع ہونے والی ٹیسٹ سیریز کی تیاری کررہے ہیں۔

یاد رہے کہ ون ڈے سیریز 2-1 سے جیتنے والی پاکستانی ٹیم میں ایک تبدیلی کی گئی ہے جس میں حسیب اللہ خان کی جگہ اسپنر سفیان مقیم کو شامل کیا گیا ہے۔

پاکستان کا اسکواڈ

کپتان محمد رضوان، بابراعظم، صاحبزادہ فرحان، عثمان خان، سلمان آغا، عرفان خان، عباس آفریدی، شاہین شاہ آفریدی، حارث رؤف، نسیم شاہ، سفیان مقیم

آسٹریلیا کا اسکواڈ:

کپتان جوش انگلس، جیک فریزر میک گرک، میٹ شارٹ، گلین میکسویل، ٹم ڈیوڈ، مارکس اسٹوئنس، آرون ہارڈی، زیویئر بارٹلیٹ، نیتھن ایلس، ایڈم زمپا، اسپینسر جانسن