حسن نصراللہ کے قتل کے بعد مشرق وسطیٰ میں کشیدگی پر چین کا اظہار تشویش

چین نے اتوار کے روز کہا ہے کہ اسرائیل کی جانب سے لبنان پر حملوں میں حزب اللہ کے رہنما حسن نصراللہ کی ہلاکت کے بعد وہ مشرق وسطیٰ میں بڑھتی ہوئی کشیدگی پر گہری تشویش کا اظہار کرتا ہے۔

بیجنگ کی وزارت خارجہ نے ایک بیان میں کہا کہ چین اس واقعے پر گہری نظر رکھے ہوئے ہے اور خطے میں بڑھتی ہوئی کشیدگی پر گہری تشویش ہے اور تمام فریقین بالخصوص اسرائیل پر زور دیا کہ وہ کشیدگی کو کم کرنے کے لیے فوری اقدامات کریں۔