اقوام متحدہ کی جنرل اسمبلی میں شرکت کیلئے وزیراعظم لندن پہنچ گئے

وزیراعظم شہباز شریف اقوام متحدہ کی جنرل اسمبلی کے 79 ویں اجلاس میں شرکت کے لیے پاکستانی وفد کی قیادت کے لیے لندن روانہ ہوں گے۔

وزیراعظم نیویارک روانگی سے قبل دو روز لندن میں رہیں گے۔

وہ 23 سے 27 ستمبر 2024 تک نیویارک میں رہیں گے جہاں وہ 27 ستمبر کو اقوام متحدہ کی جنرل اسمبلی کے 79 ویں اجلاس سے خطاب سمیت متعدد امور میں مصروف ہونگے۔

نیو یارک روانگی سے قبل اپنے ایکس ہینڈل پر ایک پوسٹ میں انہوں نے اس عزم کا اظہار کیا کہ وہ عالمی مسائل پر پاکستان کا نقطہ نظر قابل احترام پلیٹ فارم پر پیش کریں گے۔

وزیر اعظم نے کہا کہ عالمی رہنماؤں کے ساتھ ان کی بات چیت امن کو فروغ دینے، پائیدار ترقی اور موسمیاتی تبدیلی کے مسائل سے نمٹنے پر مرکوز ہوگی۔

وزیر اعظم نے مزید کہا کہ نیو یارک میں ان کی مصروفیات کے دوران بین الاقوامی شراکت داری میں بہتری اور استحکام کے لئے پاکستان کی کوششوں کو اجاگر کیا جائے گا۔

وزیراعظم اقوام متحدہ کی جنرل اسمبلی سے اپنے خطاب میں کثیرالجہتی کے حوالے سے پاکستان کے پختہ عزم کا اعادہ کریں گے۔ اور عالمی امن، سلامتی اور خوشحالی کو فروغ دینے میں اقوام متحدہ کے کردار کی حمایت کا اظہار کریں۔

وہ اقوام متحدہ کی سلامتی کونسل کے ایجنڈے پر دیرینہ مسائل کو حل کرنے کی اہمیت پر زور دیں گے جس میں مسئلہ فلسطین اور جموں و کشمیر کا تنازعہ بھی شامل ہے۔

وزیراعظم شہباز شریف 27 ستمبر کو اقوام متحدہ کی جنرل اسمبلی کے اجلاس سے خطاب کریں گے جس سے قبل ان کے بھارتی ہم منصب نریندر مودی اعلیٰ سطح کے فورم سے خطاب کریں گے۔

وہ اقوام متحدہ کی جنرل اسمبلی کے اجلاس کے موقع پر مختلف ممالک کے اپنے ہم منصبوں سے بھی ملاقات کریں گے۔

کاپی رائٹ بزنس ریکارڈر، 2024