آپریشن عزم استحکام، پاکستان کا امریکہ سے جدید اسلحہ فراہم کرنے کا مطالبہ

امریکہ میں پاکستان کے سفیر مسعود خان نے واشنگٹن پر زور دیا ہے کہ وہ پاکستان کو چھوٹے ہتھیار اور جدید آلات فراہم کرے تاکہ آپریشن عزمِ استحکام کی کامیابی کو یقینی بنایا جا سکے۔

انہوں نے کہا کہ پاکستان نے دہشت گرد نیٹ ورکس کے خاتمے کے لیے آپریشن شروع کیا ہے اور اس کے لیے ملک کو جدید ترین چھوٹے ہتھیاروں اور مواصلاتی آلات کی ضرورت ہے۔

انہوں نے واشنگٹن ولسن سینٹر میں ایک تھنک ٹینک میں امریکی پالیسی سازوں، اسکالرز، ماہرین اور کارپوریٹ لیڈروں کے سامنے خطاب کرتے ہوئے واضح کیا کہ آپریشن میں تین عناصر شامل ہیں: نظریاتی، سماجی اور آپریشنل۔ انہوں نے کہا کہ پہلے دو مرحلوں پر کام شروع ہو چکا ہے، جبکہ تیسرے مرحلے پر جلد عمل درآمد شروع کر دیا جائے گا۔

مسعود خان نے پاکستان اور امریکہ کے درمیان مضبوط سیکورٹی تعلقات برقرار رکھنے، انٹیلی جنس تعاون بڑھانے اور جدید فوجی سازوسامان کی فروخت کو دوبارہ شروع کرنے کی ضرورت پر زور دیا۔

انہوں نے مزید کہا کہ ”(یہ آپریشن) دہشت گردی کی بڑھتی ہوئی لہر کا مقابلہ کرنے کے لیے ضروری ہے، جو امریکہ اور اس کے اتحادیوں کے علاقائی سلامتی کے مفادات کے لیے بھی خطرہ ہے۔“

امریکہ میں پاکستانی سفیر نے دونوں ممالک کے دوطرفہ تعلقات کو زمینی حقائق پر مبنی ہونے پر زور دیا اور کہا کہ چند مسائل کو رکاوٹ نہیں بننا چاہیے کیونکہ ایک یا دو مسائل سے مجموعی تعلقات کو متاثر نہیں کرنا چاہیے۔

مسعود خان نے یہ بھی تجویز دی کہ امریکہ کو پاکستان کو کابل میں اپنی سفارتی کوششوں میں شراکت دار کے طور پر دیکھنا چاہئے اور انسداد دہشت گردی اور افغانستان میں خواتین اور لڑکیوں کے حقوق پر تعاون کرنا چاہئے۔

انہوں نے کہا، “یہ علاقائی سلامتی اور دہشت گردی کی بڑھتی ہوئی لہر کے مقابلے کے لئے اہم ہے جو امریکہ اور اس کے اتحادیوں کے مفادات کے لئے بھی خطرہ ہے۔ انہوں نے کہا کہ دوطرفہ تعلقات کو زمینی حقائق پر مبنی ہونا چاہئے ، یہاں تک کہ ان کا مقصد مضبوط سیکیورٹی اور معاشی شراکت داری ہے۔ جبکہ دوسری بات یہ ہے کہ ایک یا دو معاملات میں پورے تعلقات کو یرغمال نہیں بنایا جانا چاہیے۔