قومی اسمبلی آج بجٹ کی منظوری دے سکتی ہے

قومی اسمبلی جمعہ (28 جون) کو بعض ترامیم کے ساتھ مالیاتی بل 2024 سمیت بجٹ-25-2024 کی منظوری دے گی۔

قومی اسمبلی کے بزنس ایجنڈے کے مطابق ایوان نے پہلے چھ آئٹمز مکمل کر لیے ہیں۔

اب، قومی اسمبلی جمعہ کو ایجنڈا نمبر سات اور آٹھ پر غور کرے گی جو منظوری کے لیے ”فنانس بل 2024“ سے متعلق ہیں۔

وفاقی وزیر خزانہ اور محصولات سینیٹر محمد اورنگزیب منظوری کے لیے ’’دی فنانس بل 2024‘‘ ایوان میں پیش کریں گے۔

ذرائع کے مطابق حکومت سینیٹ کی کچھ سفارشات اور فنانس بل 2024 میں ترامیم کو شامل کرے گی۔

ذرائع کا کہنا ہے کہ اپوزیشن بل میں تقریبا 50 ترامیم پیش کرے گی اور امکان ہے کہ حکومت اسے مسترد کر دے گی۔ ذرائع کا کہنا ہے کہ اپوزیشن ارکان کی جانب سے تنخواہ دار افراد، اشیائے خوردونوش اور دیگر پر ٹیکس عائد کرنے کی تجاویز میں ترامیم پیش کیے جانے کا امکان ہے۔

وزیر خزانہ آئین پاکستان کے آرٹیکل 83 کے تحت کاغذات بھی پیش کریں گے۔

کاغذات یہ ہیں؛ (1) مجاز اخراجات کا شیڈول 25-2024، (2) مجاز اخراجات 23-2022 اور 24-2023 کا ضمنی شیڈول اور (3) مجاز اخراجات کا اضافی شیڈول 23-2022۔

وزیر خزانہ مالی سال 23-2022 کے لیے فیڈرل کنسولیڈیٹڈ فنڈ پر چارجز کے علاوہ دیگر اخراجات کے حوالے سے اضافی گرانٹس پر بحث اور ووٹنگ کے لیے بھی پیش ہوں گے اور مالی سال 23-2022 کے لیے اضافی اخراجات وصول کریں گے۔

کاپی رائٹ بزنس ریکارڈر، 2024