وزیراعلیٰ خیبرپختونخوا کی وفاقی وزراء سے ملاقات، لوڈشیڈنگ ودیگر معاملات مل کر حل کرنے پر اتفاق

خیبرپختونخوا میں بجلی کی طویل بندش کے مسئلے کو حل کرنے کے لیے وفاقی حکومت کو سخت انتباہ جاری کرنے کے چند دن بعد وزیراعلیٰ علی امین گنڈا پور نے بجلی کی لوڈشیڈنگ کے مسئلے کو جلد از جلد حل کرنے کے اپنے مطالبے کا اعادہ کیا۔

وزیر اعلیٰ خیبرپختونخوا نے وزیر داخلہ محسن نقوی اور وزیر توانائی سردار اویس احمد خان لغاری سے ملاقات کی جس میں بجلی سے متعلق امور پر تبادلہ خیال کیا گیا۔

ملاقات کے دوران انہوں نے خیبرپختونخوا کی موجودہ صورتحال پر تبادلہ خیال کیا، خاص طور پر لوڈ شیڈنگ سے متعلق مسائل پر گفتگو کی۔

وزیراعلیٰ نے کہا کہ ان کے صوبے میں لوڈشیڈنگ کا مسئلہ ناقابل برداشت ہوتا جا رہا ہے اور ان کے پاس اس کے سوا کوئی چارہ نہیں بچے گا کہ انہوں نے مرکز کو اپنے پہلے وارننگ میں جو کہا تھا اس پر عمل کیا جائے۔

ذرائع کا کہنا ہے کہ دونوں وزراء نے وزیراعلیٰ کو صوبے میں لوڈ شیڈنگ میں کمی کے لیے ہر ممکن اقدامات کرنے کی یقین دہانی کرائی۔

وفاقی وزراء اور وزیر اعلیٰ خیبرپختونخوا کے درمیان ان مسائل کو ملکر حل کرنے پر اتفاق ہوا۔

انہوں نے مزید بات چیت کے لیے کل ایک اور میٹنگ شیڈول کرنے کا فیصلہ کیا۔

خیبر پختونخوا کے وزیر اعلیٰ علی امین گنڈا پور نے کہا کہ انہوں نے آرمی چیف جنرل سید عاصم منیر سے اسلام آباد میں خصوصی سرمایہ کاری سہولت کونسل (ایس آئی ایف سی) کے اجلاس میں ملاقات کی اور صوبے کے وسائل کے حصے پر سمجھوتہ نہ کرنے کے اپنے موقف کا اعادہ کیا۔

مزید برآں، انہوں نے خیبرپختونخوا کے عوام کو ریلیف فراہم کرنے کے اپنے عزم پر زور دیا۔

اسی مناسبت سے انہوں نے درخواست کی کہ وفاقی فنڈز جلد از جلد خیبرپختونخوا کو جاری کیے جائیں۔