سعودی دارالحکومت میں دھماکوں کی آوازیں، وارننگ سسٹم فعال

سعودی دارالحکومت ریاض میں ہفتے کی صبح دو دھماکوں کی آوازیں سنی گئیں۔

اے ایف پی کے صحافی کے مطابق یہ دھماکے ایسے وقت ہوئے جب یمن کے حوثی باغیوں کے سعودی عرب پر حملے جاری ہیں۔

سعودی سول ڈیفنس نے ممکنہ خطرے کے پیش نظر شہریوں کو خبردار کرنے کے لیے ابتدائی وارننگ سسٹم فعال کردیا۔

حوثیوں کے خلاف کارروائی کرنے والے سعودی قیادت میں قائم اتحاد نے کہا ہے کہ اس نے ریاض کی جانب بڑھنے والے ایک بیلسٹک میزائل کو مار گرایا ہے جبکہ مشرقی صوبے میں ایک ڈرون بھی تباہ کردیا ہے۔

ایران کی حمایت یافتہ حوثی تنظیم نے رواں ماہ سعودی عرب پر مسلسل حملے کیے ہیں جن میں ریاض کے بین الاقوامی ہوائی اڈے پر حملہ بھی شامل ہے۔ یہ حملہ کئی برسوں کے دوران ملک میں ہونے والے مہلک ترین حملوں میں سے ایک تھا۔

چار سالہ غیر یقینی جنگ بندی کے بعد جولائی میں یمن میں دوبارہ لڑائی شروع ہوگئی۔ یہ پیشرفت امریکا اور ایران کے درمیان جاری تنازع کے کئی ماہ بعد سامنے آئی جس نے پورے خطے کو بحران سے دوچار کردیا ہے۔

یمن کی جنگ میں اب تک لاکھوں افراد مارے جاچکے ہیں۔ دنیا کے غریب ترین ممالک میں شمار ہونے والا یمن پہلے ہی شدید انسانی بحران کا شکار تھا۔