پاکستان کو 1 لاکھ 85 ہزار ٹن گندم کے ٹینڈر میں پیشکشیں موصول
- بنگے کمپنی نے 60 ہزار ٹن گندم کے لیے 339.36 ڈالر فی ٹن کی کم ترین بولی دی
پاکستان کی جانب سے 1 لاکھ 85 ہزار میٹرک ٹن گندم کی خریداری اور درآمد کے لیے جاری ٹینڈر میں پیر کو موصول ہونے والی کم ترین قیمت 339.36 ڈالر فی میٹرک ٹن رہی، جس میں لاگت اور مال برداری شامل ہے۔ یہ بات یورپی تاجروں نے ابتدائی اندازوں میں کے دوران بتائی۔
تاجروں کے مطابق یہ پیشکش تقریباً 60 ہزار ٹن گندم کے لیے تجارتی کمپنی بنگے نے دی۔
سرکاری ادارہ ٹریڈنگ کارپوریشن آف پاکستان (ٹی سی پی) ابھی پیشکشوں کا جائزہ لے رہا ہے اور گندم کی خریداری کی کوئی اطلاع سامنے نہیں آئی۔ تاجروں کے مطابق آئندہ چند روز میں فیصلہ متوقع ہے۔
تاجروں نے کہا کہ یہ رپورٹس ان کے ابتدائی اندازوں پر مبنی ہیں اور بعد میں قیمتوں اور مقدار کے مزید تخمینے سامنے آ سکتے ہیں۔
یہ ٹینڈر درآمد کنندگان کے لیے ایک مشکل وقت میں سامنے آیا ہے، کیونکہ لڑائی کے باعث بحیرۂ اسود سے روسی اور یوکرینی سستی گندم کی سمندری برآمدات تقریباً رک گئی ہیں، جبکہ متبادل ذرائع سے گندم کی فراہمی زیادہ مہنگی ہے۔
اس ماہ کے آغاز میں ٹی سی پی نے 7 لاکھ 50 ہزار ٹن تک گندم کی خریداری کے لیے جاری کیے گئے ایک سابقہ ٹینڈر میں 3 لاکھ 65 ہزار ٹن گندم 348.83 ڈالر فی ٹن سی اینڈ ایف کے حساب سے خریدی تھی۔ اس کے بعد مزید 1 لاکھ 85 ہزار ٹن گندم کے لیے موجودہ ٹینڈر جاری کیا گیا۔
تاجروں کے مطابق تازہ ٹینڈر میں مختلف تجارتی کمپنیوں نے درج ذیل پیشکشیں دیں، جن میں پیش کردہ مقدار اور ابتدائی طور پر اندازہ لگائی گئی قیمتیں ڈالر فی ٹن سی اینڈ ایف کے حساب سے ہیں۔
Company | Price | Tons offered |
Bunge | 339.36 | 60,000 |
Olam | 341.88 | 60,000 |
Ameropa | 343.47 | 60,000 |
Agrocorp | 343.74 | 60,000 |
CHS | 345.00 | 60,000 |
Mera | 346.19 | 60,000 |
LDC | 346.50 | 120,000 |
Falconbridge | 347.49 | 60,000 |
Al Ghurair | 349.00 | 60,000 |
Saif | 350.53 | 60,000 |
Soufflet | 354.82 | 60,000 |
Aston | 354.83 | 60,000 |
Comments