اسٹیٹ بینک آف پاکستان (ایس بی پی) نے مارکیٹ میں لیکویڈیٹی برقرار رکھنے کے لیے ریورس ریپو پرچیز اور شریعہ کمپلائنٹ مضاربہ پر مبنی اوپن مارکیٹ آپریشنز (او ایم او) کے ذریعے مجموعی طور پر 12.2408 کھرب روپے فراہم کیے۔
مرکزی بینک نے 28 اگست 2026 کو 7 اور 14 روزہ مدت کے لیے ریورس ریپو پرچیز (رقم کی فراہمی) کے اوپن مارکیٹ آپریشن میں 35 بولیوں کے مقابلے میں 11.5728 کھرب روپے فراہم کیے، جبکہ مزید 668 ارب روپے شریعہ کمپلائنٹ مضاربہ پر مبنی اوپن مارکیٹ آپریشن کے ذریعے فراہم کیے گئے۔
14 روزہ ریورس ریپو پرچیز کے لیے مرکزی بینک کو مجموعی طور پر 30 بولیاں موصول ہوئیں، جن میں 11.55595 کھرب روپے کی پیشکش کی گئی۔ ان بولیوں پر منافع کی شرح 11.51 سے 11.56 فیصد کے درمیان تھی۔ ایس بی پی نے 11.51 فیصد شرحِ منافع پر 30 بولیوں کے مقابلے میں 11.25 کھرب روپے قبول کیے۔ 11.51 فیصد شرح پر مجموعی طور پر 5.149 کھرب روپے کی پیشکش کی گئی تھی، جس میں سے ایس بی پی نے تناسب کی بنیاد پر 4.84305 کھرب روپے قبول کیے۔
اسی طرح 7 روزہ مدت کے لیے ایس بی پی کو 5 بولیاں موصول ہوئیں، جن میں مجموعی طور پر 322.8 ارب روپے کی پیشکش کی گئی۔ ان بولیوں پر منافع کی شرح 11.54 سے 11.56 فیصد کے درمیان تھی۔ مرکزی بینک نے 11.54 فیصد شرحِ منافع پر تمام 5 بولیوں کی مکمل رقم قبول کرلی۔
دریں اثنا، ایس بی پی نے 7 اور 14 روزہ مدت کے لیے شریعہ کمپلائنٹ مضاربہ پر مبنی اوپن مارکیٹ آپریشن بھی کیا۔
7 روزہ مدت کے لیے مرکزی بینک کو 3 بولیاں موصول ہوئیں، جن میں 68 ارب روپے کی پیشکش کی گئی۔ منافع کی شرح 11.53 سے 11.56 فیصد کے درمیان تھی۔ ایس بی پی نے 11.53 فیصد شرحِ منافع پر تینوں بولیوں کے مقابلے میں پوری رقم قبول کرلی۔
مرکزی بینک کو 14 روزہ مدت کے لیے بھی 9 بولیاں موصول ہوئیں، جن میں 667.5 ارب روپے کی پیشکش کی گئی اور منافع کی شرح 11.53 سے 11.56 فیصد کے درمیان تھی۔ ایس بی پی نے 11.53 فیصد شرحِ منافع پر 9 بولیوں کے مقابلے میں 600 ارب روپے قبول کیے۔ 11.53 فیصد شرح پر مجموعی طور پر 355 ارب روپے کی پیشکش کی گئی تھی، جس میں سے ایس بی پی نے تناسب کی بنیاد پر 287.5 ارب روپے قبول کیے۔
Comments